07:54 20 Жетинин айы 2019
Түз эфир
  • USD69.8500
  • EUR77.3240
  • RUB1.0953
 Өкмөт башчы Мухаммедкалый Абылгазиев Ирандын биринчи вице-президенти Эсхак Жахангири менен жолугушту

Иран Кыргызстан менен алакасын өнүктүрүүгө кызыкдар

© Фото / пресс-служба правительства / Алишер Алиев
Экономика
Кыскача шилтеме алуу
86 0 0

Жахангири биринчи кезекте мамлекеттер ортосундагы соода-экономикалык кызматташтыкты жаңы деңгээлге чыгаруу маанилүү экендигин билдирген. Ал ошондой эле виза алуу маселесин жеңилдетүүнү карап көрүүнү суранган.

БИШКЕК, 2-ноя. — Sputnik. Өкмөт башчы Мухаммедкалый Абылгазиев Ирандын биринчи вице-президенти Эсхак Жахангири менен жолугушту. Бул туурасында өкмөттүн маалымат кызматынан билдиришти.

Жолугушуунун жүрүшүндө мамлекеттердин маданий жана тарыхый жактан жакындыгын эске алуу менен өлкөлөрдүн кызматташтыгы жана анын потенциалы тууралуу сөз болду.

Ошондой эле Кыргызстандан Иранга айыл чарба жана мал чарба продукцияларын ташуунун көлөмүн көбөйтүү жана мунай-газ, транспорттук-логистикалык, туристтик, авиация тармактары боюнча кызматташтык жөнүндө сүйлөшүшкөн.

Жахангири биринчи кезекте мамлекеттер ортосундагы соода-экономикалык кызматташтыкты жаңы деңгээлге чыгаруу маанилүү экендигин билдирген. Ал ошондой эле виза алуу маселесин жеңилдетүүнү карап көрүүнү суранган.

Андан тышкары, Абылгазиев менен Ирандын биринчи вице-президенти тийиштүү органдарга жакынкы убакта өкмөт аралык комиссиянын жыйынын өткөрүүгө тапшырма беришкен. Анда өлкөлөр ортосундагы алака кенен талкууланмакчы.

Жолугушуунун соңунда Жахангири Абылгазиевди убактысы туура келгенде Иранга расмий сапар менен келип кетүүгө чакырган.

Тема боюнча

Абылгазиев менен Мирзиёев кыргыз-өзбек чек арасын талкуулашты

ЭҢ МААНИЛҮҮ