16:00 20 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Уран иштетүү. Архив

Кыргызстанда урандын сырьесун алып келип иштетүүгө да тыюу салынат

© Sputnik / Евгений Епанчинцев
Экономика
Кыскача шилтеме алуу
66 0 0

Депутат өз сөзүндө кийинки муун уранды иштетүү боюнча жаңы технологияларды өздөштүргөндөн кийин бул мыйзамды жокко чыгарып иш алып барса болорун белгиледи.

БИШКЕК, 8-окт. — Sputnik. Кыргызстанда уран жана торий кендерин казууга тыюу салуу боюнча мыйзам долбоорун Жогорку Кеңештин Отун-энергетикалык комплекси жана жер казынасын пайдалануу боюнча комитети карап жатат.

Мыйзам долбоордун авторлорунун бири Алмамбет Шыкмаматов киргизилип жаткан өзгөртүүлөргө ылайык Кыргызстанда уранды иштетүүгө толук тыюу салынарын айтты.

Депутат өз сөзүндө кийинки муун уранды иштетүү боюнча жаңы технологияларды өздөштүргөндөн кийин бул мыйзамды жокко чыгарып, иш алып барса болорун белгиледи. Анын айтымында, бул мыйзам долбоору Кыргызстанда жашырылган уулуу калдыктар сакталган жерлерди кайта иштетүүгө тоскоолдук болбойт.

Шыкмаматов уран кендерин тыштан алып келип иштетүүгө да тыюу салынарын айтты.

"Мына Казакстандын уранын бул жакка алып келип иштетип жатат. Мындай болбош керек, антсе мыйзамдын логикасы бузулат да. Казууга тыюу салып туруп, кайта башка жактан алып келип иштетүүгө уруксат берсек болбой калат", — деди ал.

Депутат Абтандил Кулбараков «Мыйзам күчүнө киргенден кийин берилген бардык лицензиялар жокко чыгабы?» деп суроо салды.

Шыкмаматов жокко чыгарын, бирок чалгындоо үчүн лицензия алган тарапка өкмөт урандан башка кендерди иштетүү сунушун бере турганын кошумчалады.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Өкмөт уран кендерин изилдөөгө жана иштетүүгө тыюу салууну колдойт
Белгилер:
Кыргызстан, лицензия, уран

ЭҢ МААНИЛҮҮ