Кыргызстан туризмге илгерки даңк-даңазасын кайтарууну көздөйт

Жазылуу
Премьер-министр Ысык-Көл жана өлкөдөгү башка курорттук объектилер жалпы союздун ден соолукту чыңдоочу жери болгонун белгилеген.

БИШКЕК, 25-сен. — Sputnik. Кыргызстан туризм чөйрөсүндө ЕАЭБ өлкөлөрүндөгү туристтерди мурдагыдай эле кабыл алууга кызыкдар экенин Кыргызстандын премьер-министри Мухаммедкалый Абылгазиев Бишкекте өтүп жаткан Евразия жумалыгынын пленардык жыйынында билдирди.

Өкмөт башчы ишкерлерге кайрылып жатып инвесторлор жана бизнесмендерди кызыктырган өлкө ичиндеги тармактарды санап өткөн. Алардын басымдуу бөлүгү туризмге байланыштуу экени белгиленет.

"Алты миллион калкы бар мамлекетибиз жылына 4-5 миллиондой туристти кабыл алат. Мындайча айтканда, ар бир адам конок катары бирден туристти кабыл алат. Биз туризмди ИДПнын жети пайызына чейин жеткирүүнү пландап жатабыз", — деген Абылгазиев.

Премьер-министр Кыргызстан туристтерди эң көп тарткан мамлекеттердин катарына кире турганын белгилеген.

Жер жемиштер. Архив - Sputnik Кыргызстан
Кыргызстандык ишкерлер чет элдик сатып алуучуларды эмнеси менен тартат. Пикир
"Биз биринчи кезекте мурдагыдай эле ЕАЭБ өлкөлөрүнүн туристтерин кабыл алгыбыз келет. Эсиңиздерде болсо керек, анда Ысык-Көл жана башка санаториялык-курорттук объектилер жалпы союздун ден соолукту чыңдоочу жери болчу. Илгеркидей артыкчылыгыбызды кайтаргыбыз келет", — деген Абылгазиев.

Белгилей кетсек, бүгүн мамлекеттик "Ала-Арча" резиденциясында "Евразия жумалыгы — 2019" эл аралык көргөзмө форуму башталды. Ага эки миңден ашык адам катышууда. Форумда экономикалык интеграция жана бизнес өнөктөштүк маселелери талкууланып, 200дөй спикер сөз сүйлөйт. Иш-чара үч күнгө созулат.

Виджет news
Жаңылыктар түрмөгү
0