09:47 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Этти кайра иштеткен ишкана. Архивдик сүрөт

Кыргызстанда этти кайра иштеткен 296 ишкананын үчөө гана стандартка төп келет

© Sputnik / Александр Кондратюк
Экономика
Кыскача шилтеме алуу
244 0 0

Кыргызстанда адал индустриясынын концепциясы кабыл алынгандан кийин гана жылыштар боло баштаганы айтылды.

БИШКЕК, 5-сен. — Sputnik. Кыргызстанда этти кайра иштеткен 296 ишкана болсо, анын үчөө гана стандартка туура келет. Бул тууралуу Ветеринардык жана фитосанитардык коопсуздук боюнча мамлекеттик инспекциянын өкүлү Жогорку Кеңештин жалпы жыйынында билдирди.

Бүгүн депутаттар "2019-жылдын 6-апрелинде Марокконун Марракеш шаарында кол коюлган Кыргызстан менен Ислам өнүктүрүү банкы жана Жеке секторду өнүктүрүүнүн ислам корпорациясынын ортосундагы "Кыргыз Республикасындагы адал эт паркы" долбоорунун техника-экономикалык негиздемесин даярдоо үчүн техникалык жардам алууга грант берүү жөнүндө макулдашууну ратификациялоо тууралуу" мыйзамдын долбоорун карап жатат. Ал биринчи окууга киргизилет.

Депутат Экмат Байпакбаев мыйзам долбоорунун негиздемесинде Кыргызстан боюнча этти кайра иштеткен 296 ишкана бар деп жазылганына токтолду. Бирок иш жүзүндө болгону 3 гана ишкана стандартка туура келери осол иш экенин айтып, талапка жооп берген ишканаларды көбөйтүү зарылдыгын белгиледи.

Талкуу учурунда экономика министри Санжар Муканбетов адал индустриясында эки триллион доллар айланарын эске салып, Кыргызстанда бул жаатта ишти илгерилетүү үчүн концепция кабыл алынгандан кийин жылыштар болуп жатканын айтты.

Мисал катары былтыр 1,5 миң тонна эт экспорттолгонуна токтолду.

Тема боюнча

Депутаттар азык-түлүктөгү "Халал" деген жазуудан күмөн санап жатышат
Белгилер:
адал, халал, экспорт, ишкана, эт

ЭҢ МААНИЛҮҮ