10:08 07 Чын Куран 2020
Түз эфир
  • USD84.8713
  • EUR91.6016
  • RUB1.1108
Экономика
Кыскача шилтеме алуу
80 0 0

Өз сөзүндө өкмөт башчы экономикалык интеграциянын негизги максатын да атады.

БИШКЕК, 9-авг. — Sputnik. ЕАЭБдин ички рыногундагы тоскоолдуктар жоюлушу керек. Бул тууралуу премьер-министр Мухаммедкалый Абылгазиев Чолпон-Атада өтүп жаткан Евразиялык өкмөттөр аралык кеңештин жыйынында айтты.

Премьер өз сөзүндө көйгөйдү Евразиялык комиссиянын укугун кеңейтүү менен чечүүгө болорун белгиледи.

"Тилекке каршы, ички рынокто ушу кезге чейин чектөөлөр бар. Мындан улам тоскоолдуктарды жоюу боюнча чара көрүп, биримдиктин толук кандуу иштеши үчүн талаштуу маселелерди тез арада ыкчам чечүү максатында комиссиянын укуктарын кеңейтүү зарыл", — деди өкмөт башчы.

 Россия өкмөтүнүн төрагасы Дмитрий Медведев Евразия өкмөттөр аралык кеңешинин мааракелик жыйынына катышуу үчүн Кыргызстанга иш сапары менен келди.
© Sputnik / Екатерина Штукина
Абылгазиев интеграциянын негизги максаттарынын бири - товарлардын, кызмат көрсөтүүнүн, эмгек ресурсунун бирдиктүү рыногун түзүү экенин белгиледи. Анын айтымында, бул ЕАЭБ мамлекеттерин максатка ылайык келбеген аракеттерден оолак кармайт.

Премьер-министр кеңештин тар чөйрөдөгү жолугушуусу да ушул маселеге арналганын белгиледи.

"Биз ЕАЭБ ортосунда бажы төлөмдөрүн бөлүштүрүүнүн ченемдерин, алкоголь рыногун жана жалпы финансы рыногун жөнгө салууну талкууладык. Аны 2025-жылы ишке киргизүү каралган", — деди өкмөт башчы.

Евразиялык өкмөттөр аралык кеңештин жыйыны Чолпон-Ата шаарында өтүп жатат. Жыйынтыгы менен бир катар документтерге кол коюлмакчы.

Тема боюнча

Кыргызстанда топтолмо пенсиялык фонддор түзүлөт. Маңызы эмнеде?
Белгилер:
комиссия, өкмөт, жыйын, Евразиялык экономикалык биримдик, Мухаммедкалый Абылгазиев

ЭҢ МААНИЛҮҮ