04:43 28 Бирдин айы 2020
Түз эфир
  • USD69.8500
  • EUR76.4683
  • RUB1.0646
Экономика
Кыскача шилтеме алуу
74 0 0

Келип түшкөн инвестиция агымы чыгып кеткенге караганда 6,9 миллион долларга арбын.

БИШКЕК, 20-июн. — Sputnik. Быйыл январь-март айларында 2018-жылдын ушул мезгилине салыштырмалуу чет өлкөлүк тике инвестициялардын келип түшүү агымы 176,7 миллион долларды түздү. Бул туурасында Статистика боюнча улуттук комитеттен кабарлашты.

"Бул көрсөткүч былтыркыга караганда 48,9 пайызга өскөн. Өлкөгө кирген акча сыртка агылышына караганда 6,9 миллион долларга ашты. Чет өлкөлүк тике инвестициялардын түзүмүндө өткөн жылдын I кварталына салыштырмалуу резидент эместерден алынган кредиттердин, ошондой эле соода насыясынын көлөмүнүн көбөйүшү байкалган", — деп айтылат маалыматта.

Чет өлкөлүк тике инвестициялардын негизги көлөмү (92 пайыздан көбү) геологиялык чалгындоого, пайдалуу кендерди казуу ишканаларына, маалымат жана байланышка, дүң жана чекене соодага багытталган. Андан сырткары, өндүрүш ишканалары, финансылык ортомчулук жана камсыздандыруу чөйрөсү көз жаздымда калган эмес.

Инвестициянын кайсы өлкөдөн келгенин аныктай келгенде Кытайга, Нидерландга, Улуу Британияга, Түркияга жана Швейцарияга туура келгендиги маалымдалды.

Тема боюнча

Cот реформасына бөлүнгөн 14 млн. евро грант "жоголду". Иликтөө башталды
Смайыл уулу: элибиз билимге инвестиция кылууга даяр экенин көрсөттү
Бирөөнүн мүлкүн тартып алууну актап... Жээнбеков соттор тууралуу
Белгилер:
Улуттук статистика комитети, Кыргызстан, инвестициялар

ЭҢ МААНИЛҮҮ