10:57 17 Бирдин айы 2020
Түз эфир
  • USD69.8500
  • EUR75.7314
  • RUB1.1008
Экономика
Кыскача шилтеме алуу
107 0 0

Кыргызстанда жалпысынан 925 май куюучу жай бар. Алардын ичинен 310 станция алты ири компанияга тиешелүү.

БИШКЕК, 22-май— Sputnik. Экономика министрлиги менен Мамлекеттик салык кызматы өлкөдөгү 270 май куюу жайын автоматташкан системага киргизүүнү пландоодо. Бул тууралуу Экономика министрлигинин сайтында айтылат.

Бул система аркылуу мамлекеттик органдар күйүүчү майдын сатылышын онлайн режимде көзөмөлдөп турат. Мындай кадам өлкө аймагында күйүүчү майдын көмүскө сатылуусуна бөгөт коёру айтылды.

"Кыргызстанда жалпысынан 925 май куюучу жай бар. Алардын ичинен 310 станция алты ири компанияга тиешелүү. Бүгүнкү күндө булардын 270и автоматташкан системага кошулууга даяр. Бирок калган 655и кароосуз калбайт. Тескерисинче, 270 станциядан колу бошогон салык кызматкерлери калгандарын тыкыр көзөмөлгө алат", — деп айтылат билдирүүдө.

Министрлик мамлекеттик эсептен тышкары көмүскө жол менен жүргүзүлүп жаткан кара май бизнесин ооздуктоонун башка дагы жолдорун иштеп жатканын кошумчалады.

Тема боюнча

Бишкектеги эң көп салык төлөгөн 20 кафе менен ресторан. Тизме
Белгилер:
көзөмөл, салык, бизнес, Күйүүчү май, Кыргызстан

ЭҢ МААНИЛҮҮ