21:49 21 Бугу 2019
Түз эфир
  • USD69.8500
  • EUR77.8618
  • RUB1.0823
Премьер-министр Мухаммедкалый Абылгазиев

Абылгазиев: ЕАЭБдин экономикалык көрсөткүчү барган сайын жогорулоодо

© Фото / пресс-служба правительства/ Алишер Алиев
Экономика
Кыскача шилтеме алуу
45 0 0

Премьер-министр ЕАЭБдин өкмөттөр аралык кеңешинин жыйынында сөз сүйлөдү.

БИШКЕК, 30-апр. — Sputnik. ЕАЭБ алкагында соода-сатыктын масштабы экономикалык мамиленин динамикалуу көрсөткүчүнөн кабар берет. Бул тууралуу премьер-министр Мухаммедкалый Абылгазиев Ереванда өтүп жаткан өкмөттөр аралык кеңеш жыйынынын жүрүшүндө билдирди.

"Иштин натыйжалуулугун жана ЕАЭБ алкагындагы өзгөрүүнү өз ара соода-сатыктын 9,2 пайызга, тышкы сооданын 18,8 пайызга жогорулашын көрсөтүп турат. Ал эми үчүнчү өлкөлөргө болгон экспорттун көлөмү 26,8 пайызга өскөн", — деди кыргыз өкмөтүнүн башчысы.

Абылгазиев ЕАЭБди чет элдик өнөктөштөр менен иштөөгө ыңгайлуу эң жаш жана тез өнүгүп жаткан бирикме катары саноого болорун белгиледи.

Премьер-министр Кыргызстан ЕАЭБ мейкининде санарип технологиясын өнүктүрүүнүн алкагындагы пайдалуу долбоорлорду колдоп, өнүктүрүүгө даяр экенине токтолду. Ал кесиптештерин ЕАЭБдин "Өнөр жай кооперациялары, субконтрактациялары жана технологиялар трансферинин евразиялык түйүнү" деп аталган алгачкы биргелешкен санариптик долбооруна көңүл бурууга чакырды.

Сөзүнүн аягында Абылгазиев премьер-министрлерди үстүбүздөгү жылдын 9-майында Чолпон-Ата шаарында өтө турган өкмөттөр аралык кеңештин кезектеги жыйынына чакырып өттү.

Тема боюнча

Депутат: өкмөттүн колунан келбесе, анда казактар менен, төрага, сиз сүйлөшүңүз
Ереванда ЕАЭБ өкмөттөр аралык кеңештин тар чөйрөдөгү жыйыны башталды
Белгилер:
экономика, Евразиялык экономикалык биримдик, Мухаммедкалый Абылгазиев, Ереван

ЭҢ МААНИЛҮҮ