00:19 12 Теке 2020
Түз эфир
  • USD77.8000
  • EUR87.8362
  • RUB1.0922
Экономика
Кыскача шилтеме алуу
188 0 0

Жетекчини жөн гана кызматынан алып салуу жетишсиз, киреше түшпөй калганынын себебин изилдөө жана тергөө зарыл.

БИШКЕК, 23-фев. — Өз активдеринде жүздөгөн миллиондору бар мамлекеттик баланста турган пансионаттар казынага жылына 1-2 миллион сом алып келе албай жатышат. Чыгаша тарткан пансионаттардын директорлорун жоопко тартуу керек. Бул туурасында вице-премьер Замирбек Аскаров пансионаттардын иши боюнча өткөн кеңешмеде айтканын өкмөттүн маалымат кызматы билдирди.

"Эс алуучулар арасында суроо-талапка карабастан, пансионаттардан мамлекеттик бюджетке кирешелердин түшүү маселеси өтө курч турат. Эгерде 3-4 жылдын киреше көрсөткүчтөрүн салыштырсак, 2017-жылы бул көрсөткүчтөр кыйла төмөн болгон, буга байланыштуу алардын жетекчилери ээлеген кызматтарынан түшүрүлгөн. Ал эми 2018-жылы айрымдары оң, бирок дагы эле минималдуу көрсөткүчтөр менен чыккан", — деген вице-премьер.

Аткаминер ишине жоопкерчилик менен карабай жаткан жетекчилерге жаза колдонуу туурасында айткан.

"Төмөндөөгө талдоо жүргүзүү жана чыгаша тарткан пансионаттардын директорлорун жоопко тартуу керек. Жетекчини жөн гана кызматынан алып салуу жетишсиз, киреше түшпөй калгандыгынын себебин изилдөө жана тергөө зарыл", — деген Аскаров.

Кеңешмеге мамлекеттик мүлктү башкаруу фондусунун, Ысык-Көл облусундагы пансионаттардын жана бир катар тийиштүү ведомстволордун жетекчилери катышты.

Жыйындын катышуучулары мамлекеттик ишканаларды чыгашага алып келген жетекчилердин "кара тизмесин" түзүүнү сунушташты.

"Өз активдеринде жүздөгөн миллиондору бар ишканалар, тажрыйбага карабастан, казынага жылына 1-2 миллион сом алып келе албай жатышат. Айрым пансионаттардын кирешелүүлүгү өтө эле түшүп кеткен. Жетекчилер жеке кызыкчылыктары үчүн гана иштеп жаткандай туюлат", — деди чиновник.

Вице-премьер пансионаттардын менеджментине жана инфраструктурасына үзгүлтүксүз мониторинг жүргүзүү зарылдыгын кошумчалаган.

Тема боюнча

Караколдо турист сабалып, бычак жедиби? Жабырлануучу менен милициянын эки ача баяны
Ишсиз отурасызбы? Туристтик милицияга кызматкерлер алынат
Чүй облусунда туристтик кайрымдуулук фестивалы уюштурулат
Белгилер:
жетекчи, чыгаша, пансионат, Кыргызстан

ЭҢ МААНИЛҮҮ