11:05 22 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Той. Архив

Депутат үч гана маараке өткөрүүнү сунуштап жатат

© Sputnik / Диля Алымова
Экономика
Кыскача шилтеме алуу
95210

Мыйзам долбоорунун демилгечиси депутат Зиядин Жамалдиновдун айтымында, юбилейлерди өткөрүү өлкөдөгү бир катар социалдык жана экономикалык маселелерди чечүүгө өбөлгө болмок.

БИШКЕК, 1-фев. — Sputnik. Жогорку Кеңештин депутаты Зиядин Жамалдинов жалпы улуттук, региондук жана корпоративдик маанидеги юбилейлерди өткөрүүнү кыскартуу керектигин айтып, мыйзам долбоорун даярдады. Ал коомдук талкууга чыгарылып, Жогорку Кеңештин сайтына жайгаштырылган.

Мыйзам долбоорунун негиздемесинде сунушталып жаткан мыйзам долбоорунун максаты юбилейлерди өткөрүү үчүн корогон каражатты оптималдаштыруу жана иретке салуу болуп саналат. Документте жылына өлкө аймагында 100дөн ашык юбилейлер белгилене турганы жазылат. Мисалы, 2017-жылы 120, ал эми 2018-жыл 105 иш-чара өткөрүү бекитилген.

"Юбилейлик иш-чараларды мындай санда өткөрүү тийиштүү убакыттык, эмгектик, акчалай чоң сарптоолорду талап кылат, бул мамлекеттик бюджеттин абалына терс таасирин тийгизүүдө. Буга кошумча, ар кандай юбилейлик иш-чараларды өткөрүүгө министрликтер, ведомстволор, мамлекеттик органдар жана мамлекеттик администрациялар эле эмес, жергиликтүү тургундар да көп убактысын жана каражатын коротот. Көбүнесе мындай иш-чараларга студенттер, ал тургай мектеп окуучулары тартылат", — деп жазылат мыйзам долбоорунун негиздемесинде.

Жамалдиновдун айтымында, юбилейлерди өткөрүү өлкөдөгү бир катар социалдык жана экономикалык маселелерди чечүүгө өбөлгө болмок.

Андыктан мыйзам долбоорунда жалпы улуттук, региондук жана корпоративдик маанидеги иш-чараларды өткөрүү үчүн юбилейлик даталарды 50 жыл, 75 жыл, 100 жыл жана андан кийинки ар бир 25 жыл деп белгилөө сунушталууда. Өзгөчө учурларда гана өлкө президентинин чечими менен башка даталарда юбилейлик иш-чаралар өткөрүлүшү мүмкүн.

Тема боюнча

Усубалиевдин 100 жылдыгы мамлекеттик деңгээлде белгиленеби? Өкмөттүн жообу
Белгилер:
коомдук талкуу, мыйзам, долбоорлор, Жогорку Кеңеш, Зиядин Жамалдинов

ЭҢ МААНИЛҮҮ