Текстиль жана тигүү өндүрүшүнүн өнүгүшүн шарттаган мыйзам долбоору даярдалды

© Sputnik / Михаил Воскресенский / Медиабанкка өтүүЗавод по изготовлению текстиля в южном пригороде Дамаска
Завод по изготовлению текстиля в южном пригороде Дамаска - Sputnik Кыргызстан
Жазылуу
Юридикалык жактар менен жеке ишкерлердин ортосунда бирдей шарттарды түзүү каралган.

БИШКЕК, 24-янв. — Sputnik. Текстилдик жана тигүү өндүрүшүнүн мындан аркы өнүгүшүн шарттай турган Салыктык чегерүүлөр менен камсыздоо төлөмдөрүн оптимизациялоого багытталган мыйзам долбоору иштелип чыкты. Бул туурасында өкмөттүн маалымат кызматынан кабарлашты.

Бул документте жеңил өнөр жайынын өнүгүүсүнө шарт түзүү, жумуш орундарынын санын көбөйтүү, өндүрүштүн, өлкөнүн экспорттук мүмкүнчүлүктөрүнүн өсүшүнө дем берүү каралган. Иштеп жаткан ишкерлерди экономиканын көзөмөлгө алынбаган секторунан чыгаруу экендиги айтылган.

Аталган өндүрүштө иштеген юридикалык жактардын салык жүгүн жана социалдык чегерүүлөрүнүн өлчөмүн азайтууга багытталган. Юридикалык жактар менен жеке ишкерлердин ортосунда бирдей шарттарды түзүү каралган.

Всемирные игры кочевников-2016 на Иссык-Куле - Sputnik Кыргызстан
Казакстан: Кыргызстан менен иштешүүгө бош тармактарды иликтеп жатабыз
Долбоорду өкмөт Социалдык фонд менен биргеликте иштеп чыкты. Ал "КРдин айрым мыйзам актыларына (Салык кодексине, "Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" Мыйзамына, "Мамлекеттик социалдык камсыздандыруу жөнүндө" Мыйзамга) өзгөртүүлөрдү киргизүү жөнүндө" Кыргыз Республикасынын Мыйзамынын долбоору деп аталат.

2019-жылдан баштап 2023-жылга чейинки мезгилде текстиль жана тигүү өндүрүшүндө иштеген юридикалык жактар үчүн төмөнкүлөр белгиленүүдө:

— Эгер коллективде 50 же андан көп адам болсо, бир жумушчунун орточо айлыгынын 40 пайызынын 12и пайызы ушул төлөмгө кетет (чендер 27ден 12 пайызга чейин азайтылган).

— Киреше салыгынын жалданган ар бир адамга белгиленген көлөмү эң аз айлыктын 40 пайызынан 10 пайызына барабар. Башкача айтканда, бир айга бир адамга 478 сомду түзөт.

Аталган мыйзам өлкөдөгү тигүү жана текстиль өндүрүшүн ирилештирүү, күчөтүү аркылуу республиканын текстиль жана тигүү тармагын өнүктүрүүгө олуттуу таасир этет деген ишеним бар. Бул жергиликтүү, чет өлкөлүк керектөөчүлөрдүн ири буюртмаларын жүзөгө ашырууга өбөлгө болмокчу.

Жаңылыктар түрмөгү
0