"Коопсуз шаар" долбоору боюнча кайрадан тендер жарыяланды

© Sputnik / Наталья Селиверстова / Медиабанкка өтүүЖолдогу камералар. Архив
Жолдогу камералар. Архив - Sputnik Кыргызстан
Жазылуу
Мамлекеттик сатып алуулар порталында 23-августта мүчүлүштүк кеткен.

БИШКЕК, 27-авг. — Sputnik. Мамлекеттик сатып алуулар порталында "Коопсуз шаар" долбоорун ишке ашырууга багытталган онлайн-аукцион кайрадан өткөрүлө тургандыгы боюнча маалымат жарыяланды.

Комплекс автофиксации нарушений ПДД в Новосибирске - Sputnik Кыргызстан
Ызы-чуу менен коштолгон тендер. "Коопсуз шаар" долбоору 50 млрд. сом турабы?
Ага катышуу үчүн арызды 4-сентябрь саат 15.00гө чейин жиберсе болот. Видеокөзөмөл системасын орнотуу боюнча тендердин баштапкы баасы 2,5 миллиард сом. Долбоордун шарты боюнча жеңүүчү Бишкектин кесилиштерине, шаар аралык жолдорго жана ылдам жүрчү трассаларга — жалпы 110 комплекс орнотушу керек. Ошондой эле чыгымдын бардыгы подрядчынын мойнунда болот.

Мамлекеттик сатып алуулар порталындагы мүчүлүштүк 23-августта болгон. Анда реалдуулукка жатпаган маалыматтар чыгып калган. Тагыраагы, Megaline компаниясы 50,5 миллиард сом сунуштады делсе, калган катышуучулар сунуштаган сумма көрсөтүлбөй калган.

Кийинчерээк Финансы министрлиги тендер токтотулары мүмкүндүгүн маалымдаган.

Жаңылыктар түрмөгү
0