21:34 19 Баш оона 2018
Түз эфир
  • USD69.4557
  • EUR79.1552
  • RUB1.0386
Бишкектин ТЭЦи. Архивдик сүрөт

"Түндүкэлектр": ТЭЦке корой турчу 386 млн. доллардын баары сарптала элек

© Пресс-служба президента КР / Султан Досалиев
Экономика
Кыскача шилтеме алуу
ТЭЦ боюнча козголгон кылмыш иштер жана кармалгандар (50)
225 0 0

Учурда химиялык тазалоо цехин курууга 6 миллион доллар каралган, калган каражат кепилдик катары "Эксим" банктын эсебинде турат.

БИШКЕК, 16-май — Sputnik. Жогорку Кеңештин депутаты Максат Сабиров ТЭЦтин оңдолушу качан баланска кабыл алынганына кызыкты.

Экологиялык техникалык инспекциясынын жетекчиси Канатбек Муратбеков долбоордо көрсөтүлгөн нерселердин бардыгы жасалды деп үч этап менен 2017-жылы 7-июлда баланска кабыл алынганын билдирди.

Сабиров ошондой эле ТЭЦке корогон акчага эмнелер алынганы документтерде көрсөтүлбөгөн себебин сурады.

Мурдагы премьер-министр Жантөрө Сатыбалдиев келишим боюнча ТВЕА компаниясы бардык жабдууларды өзү алып келе тургандыктан алардын баасы көрсөтүлбөгөнүн айтты.

Депутаттык комиссиянын төрагасы Улан Примов атайын келишим түзүлгөндүктөн алынган жабдуулардын баасы көрсөтүлбөгөнүн айтып, депутаттык комиссия да кеткен каражатты тактай албаганын кошумчалады.

Примов ошондой эле ТЭЦти модернизациялоого каралган каражаттын бардыгы коротула электигин билдирип, болгону 380 миллион доллар сарпталганын белгиледи.

Ал эми "Электр станициялар" ААКтын жетекчисинин орун басары Таалай Бектенов учурда 25,5 миллион доллар сарптала электигин билдирди. Анын айтымында, учурда химиялык тазалоо цехин курууга 6 миллион доллар каралган, калган каражат кепилдик катары "Эксим" банктын эсебинде турат.

Өз кезегинде Жантөрө Сатыбалдиев ТЭЦтин айланасындагы маселенин чиеленип кетиши өкмөттүн тез-тезден алмашып турушу да таасир бергенин айтты.

"Менин өкмөтүм инвестиция алып келди. Долбоорлоо этабын башка өкмөт жүргүздү. Ал бүтүп, курулуш башталганда аны башка өкмөт өткөрдү. Бүткөндө башка өкмөт кабыл алды. Канча премьер, ТЭЦтин канча директору алмашты. Ким кабыл алса, ошол жооп берсин", — деди ал.

Сатыбалдиев ошондой эле инвестиция алып келүүдө кемчилик кетсе ал жетектеген өкмөт мүчөлөрү жооп берүүгө даяр экенин кошумчалады.

Белгилей кетсек, Жогорку Кеңештин бүгүнкү жыйынында Бишкек ТЭЦтиндеги аварияны жана модернизациялоого кеткен каражаттын сарпталышы боюнча депутаттык комиссиянын корутундусу кароо уланып жатат.

Тема:
ТЭЦ боюнча козголгон кылмыш иштер жана кармалгандар (50)

Тема боюнча

Өлкөдө коррупцияга каршы күрөштөн түшкөн акча үчүн банк эсеби ачылмай болду
Икрамжан Илмиянов кайсы өлкөгө кеткени белгилүү болду
ТЭЦтеги авариянын жоопкерчилиги Сапар Исаковго жүктөлүүдө. Мурунку премьердин жообу
Акылбек Жамангулов: 600 долларлык аттиштин баасы Бишкекте 2500 сом экен
Белгилер:
Жогорку Кеңеш, Акылбек Жапаров, Кыргызстан
Колдонуу эрежелериПикирлер

ЭҢ МААНИЛҮҮ