БИШКЕК, 3-май — Sputnik. Түштүк Корея Кыргызстандан келген тамак-аш менен товарлардын көбөйүүсүнө кызыкдар. Бул тууралуу өлкөнүн аталган мамлекеттеги элчилигинин маалымат кызматы билдирди.
Элчи Кылычбек Султан Кореянын импортерлор ассоциациясынын башчысы Мьёнг Жин Шин менен жолукту.
Дипломат кыргыз тараптын Кореяга товарлардын көлөмүн көбөйтүү ниети боюнча айтты. Ал ошондой эле Кыргызстан экологиялык таза айыл чарба азыктарын жеткирүү менен эки тараптуу кызматташууну кеңейтүүгө кызыкдар экенин белгиледи.
Мьёнг Жин Шин импортерлор ассоциациясы чет элдик товар менен азык-түлүктөрдү Кореяга импорттоо боюнча иш алып барарын айтып, чет элдик компаниялар менен тыгыз иш алып барып, өлкөнүн ишканалары менен байланышты чыңдоого жардам берерин кошумчалады.
Ал ошондой эле Кореянын имперторлор ассоциациясынын эксперттик тобун Кыргызстанга жиберүүгө макул экенин билдирип, Import аттуу белгилүү журналга Кыргызстандын товарлары, компаниялары тууралуу жана өлкөнүн экономикалык жана инвестициялык мүмкүнчүлүктөрү тууралуу маалыматтар чыгарын белгиледи.
