10:10 14 Бештин айы 2018
Түз эфир
  • USD69.8447
  • EUR79.5147
  • RUB1.0542
Бишкек ТЭЦи. Архив

Бишкек ТЭЦиндеги авария боюнча Кытай компаниясы үн катты

© Sputnik / Табылды Кадырбеков
Экономика
Кыскача шилтеме алуу
Бишкек ТЭЦтеги авария (82)
1298 0 0

26-январь күнү кечинде Бишкек ТЭЦиндеги эски буу казандарга суу берген куур жарылып, эл жылуулуксуз калган. Коомчулук арасында буга ТЭЦти модернизациялап жаткан кытайлык ТВЕА компаниясынын дагы күнөөсү бар деген кептер тараган болчу.

БИШКЕК, 11-мар. – Sputnik. Бишкек ТЭЦинин эски бөлүгүндөгү авария менен жаңы бөлүктү чаташтыргандар жаңы блокту курган бир нече миңдеген кыргыз жана кытай жумушчуларынын эмгегин басынтты. Бул тууралуу кытайлык ТВЕА компаниясынан билдиришти. 

Эскерте кетсек, 26-январь күнү кечинде Бишкек ТЭЦиндеги эски буу казандарга суу берген куур жарылганы айтылган. Кырсыктын кесепеттери 30-январда гана жөнгө салынып, шаардыктардын үйүнө жылуулук берүү калыбына келе баштаган. Коомчулук арасында буга ТЭЦти модернизациялап жаткан кытайлык ТВЕА компаниясынын дагы күнөөсү бар деген кептер тараган болчу. 

Маалыматта жаңы блоктун курулушу эң жогорку деңгээлде аткарылганы жана ведомстволор аралык комиссия авария эски блокто болгонун тастыктаганы белгиленген. 

“ТЭЦтин жаңы блогунун эксплуатацияга берилгенге чейинки жана ишке киргенден кийинки көрсөткүчү эң жогорку деңгээлде. Эски блокто авария болгон кезде жалдаган тараптын буйругу менен жаңы блок ишке кирүүгө даяр болчу. Айрым адамдардын ТЭЦтеги аварияны жаңы блокко байланыштырып жатканы такыр түшүнүксүз. Так ушул жаңы блоктун кызматкерлери башкалар менен чогуу шаар жылуулук системасын миллиарддаган чыгымдардан сактап калышты. Ошондой эле компания Кыргызстан менен Кытайдын достук мамилеси үчүн кошумча иштерди дагы аткарып жатты”, — деп айтылат маалыматта. 

Ошондой эле аварияны шылтоолоп компанияны каралагандар, Кыргызстан менен Кытайдын кызматташуусуна доо кетирүүнү каалаган күчтөр бардыр деген божомол маалыматта белгиленген. 

“ТВЕА компаниясы Кыргызстандын экономикасы үчүн бардык күчүн жумшоого даяр. Бирок 386 миллион доллар менен миллиондон ашык калк жашаган борбор калаадагы энергосистема көйгөйүн чечип коюу мүмкүн эмес. Анын үстүнө эски блоктогу жабдыктар өтө начар абалда. Эскерте кетчү жагдай, мындай жеңилдик менен берилген насыяны кытайлыктар Кытайдан алалбай жатышат. Бул долбоордун бир эле максаты – Кыргызстандын инфраструктурасын колдоо”, — деп ТВЕА компаниясынан билдиришти. 

Ошондой эле ишкана бир гана Кытайда эмес, Россия, АКШ, Европа жана дүйнөнүн 60 өлкөсүндө канчалаган долбоорлорду ишке ашырып бир дагы жолу сын укпаганы айтылып, ТВЕА энергетикалык жабдыктарды чыгаруу боюнча дүйнөдө биринчи орунда экени белгиленген. 

Тема:
Бишкек ТЭЦтеги авария (82)

Тема боюнча

Бишкек ТЭЦиндеги авария мекемени 54 млн. сомдук чыгымга учураткан
ТЭЦ жетекчилиги күз-кышка даярдык боюнча жалган маалымат бергени айтылды
Белгилер:
ТЭЦ, ТВЕА, Кытай
Колдонуу эрежелериПикирлер

ЭҢ МААНИЛҮҮ