07:20 09 Чын Куран 2020
Түз эфир
  • USD84.8713
  • EUR92.1193
  • RUB1.1204
Экономика
Кыскача шилтеме алуу
107 0 0

Финляндия парламентинин депутаты Вилле Скиннари эки тараптуу кызматташтыктын келечектүү багыттары катары туризм, билим берүү жана энергиянын жаңыланып туруучу булактарын атады

БИШКЕК, 18-янв. — Sputnik. Премьер-министр Сапар Исаков бүгүн Финландиянын парламенттик делегациясы менен жолугушту. Бул тууралуу өкмөттүн маалымат кызматынан кабарлашты.

Жолугушуунун алкагында Исаков Финляндиянын демократиялык институттарды өнүктүрүү жана жогорку технологиялык долбоорлорду ишке ашырууда инвестицияларды тартуу жаатындагы тажрыйбасы кызыкчылык туудурарын билдирген.

Өкмөт башчы Сапар Исаковдун архивдик сүрөтү
© Пресс-служба правительства / Сабыр Аильчиев
Ошондой эле премьер-министр Финляндиянын билим берүү, саламаттык сактоо жана алдыңкы инновациялык технологиялар жаатындагы тажрыйбасын иликтөө үчүн ата мекендик адистерди жөнөтүүгө кызыкдарлыгын билдирген.

Ал эми делегацияны жетектеп келген Финляндия парламентинин депутаты Вилле Скиннари эки тараптуу кызматташтыктын келечектүү багыттары катары туризм, билим берүү жана энергиянын жаңыланып туруучу булактарын атаган.

"Жакынкы келечекте Финляндия Борбор Азия мамлекеттери менен түз авиа каттамдарды ачуу үстүндө иш алып барат, анткени аталган аймак туристтик чоң мүмкүнчүлүктөргө ээ", — деп Скиннари билдирген.

Ал ошондой эле Финляндия парламенти кыргыз тараптын өлкөдөгү демократия институттарын чыңдоо жана санариптик коомду куруу демилгесин колдоого даяр экендигин кошумчалаган.

Тема боюнча

Финляндия Кыргызстанга өз элчисин дайындады
БУУнун азык-түлүк уюму Кыргызстандын айыл чарбасына 50 млн. доллар бөлөт
Белгилер:
делегация, парламент, Финляндия

ЭҢ МААНИЛҮҮ