Министрлик: Кыргызстан K4 жана K5 класстагы бензинге бир жылдан кийин өтөт

© Sputnik / Игорь Руссак / Медиабанкка өтүүРабота заправочной станции "Газпромнефть" в Санкт-Петербурге
Работа заправочной станции Газпромнефть в Санкт-Петербурге - Sputnik Кыргызстан
Жазылуу
Евразия экономикалык комитетинин Кыргызстан экологиялык күйүүчү майга өтөт деген билдирүүсүнө КРдин Экономика министрлиги түшүндүрмө берди

БИШКЕК, 12-янв. — Sputnik. Кыргызстан K4 жана K5 экологиялык класстагы бензинге 2019-жылдын 12-августунан тарта өтөт. Бул тууралуу КРдин Экономика жана өнөр жай министрлигинин маалымат кызматы билдирди.

Унаага май куюп жаткан адам. Архив - Sputnik Кыргызстан
Май куюучу жайларга кантип алдатпаш керек? Адис сунуштаган ыкмалар
Буга чейин Евразия экономикалык комитети (ЕЭК) билдирүү таратып, анда 2018-жылдын 1-январынан тарта Кыргызстан экологиялык жогорку класстагы күйүүчү майга өтүшү керектиги айтылган.

КР Экономика министрлиги техникалык регламенттин ишке кирүүсүн кийинкиге калтыра турчу документке таянууда. Ага ылайык, ЕЭКтин 2016-жылдын 26-январындагы жыйынында кабыл алынган чечими боюнча Бажы биримдигинин техникалык регламентти ишке ашыруу жол-жобосу Кыргызстандын аймагында 2019-жылдын 12-августунан тарта ишке кирет.

K4 жана K5 экологиялык класстагы күйүүчү майлар чыккан уулуу заттардын көлөмүн азайтат.

Жаңылыктар түрмөгү
0