Кыргызстандын азык-түлүгү Россиянын 13 миң дүкөнүндө сатылат

© Sputnik / Евгений Биятов / Медиабанкка өтүүДаниловский рынок в Москве
Даниловский рынок в Москве - Sputnik Кыргызстан
Жазылуу
Кыргызстандын экономика министри Артем Новиков россиялык ири соода түйүндөрүнүн директору менен жолугушту

БИШКЕК, 15-дек. — Sputnik. Кыргызстан Россиянын дүкөндөрүнө азык-түлүк жеткире баштайт.

Мындай чечим КРдин экономика министри Артем Новиков менен россиялык X5 RetailGroup компаниясынын мамлекеттик бийлик органдары менен кызматташуу боюнча директору Станислав Наумовдун жолугушуусунда кабыл алынды.

"Урал Кыргызстандын товарларын күтүп жатат. Биз эң сапаттуу азык-түлүк саткыбыз келет. Мен Бишкектеги жер-жемиш, эт жана суусундуктардын сапатын көрдүм. Россияга дагы кеңири ассортименттеги товарлар келет деп күтүүдөбүз", — деди Наумов.

Министр Россиянын соода түйүндөрүн кыргыз товарлары кызыктырып жатканы кубандырарын жашырган жок.

КРдин Экономика министри Артем Новиковдун архивдик сүрөтү - Sputnik Кыргызстан
Артем Новиков: Өзбекстан кыргыз ишкерлерине 100 миллион доллар насыя берет
Тараптар Россиядагы 13 миң дүкөндө Кыргызстанда өндүрүлгөн азык-түлүктөрдү сатууга мүмкүнчүлүк берген келишимге кол коюшту.

Жолугушуу "Ала-Арча" мамлекеттик резиденциясында өтүп жаткан орус-кыргыз региондор аралык конференциясында болду.

Форумду "Росконгресс" уюму уюштурду.

Ал эми Sputnik Кыргызстан маалымат агенттиги жана радиосу иш-чаранын башкы өнөктөшү болуп эсептелет.

Жаңылыктар түрмөгү
0