Артем Новиков: Өзбекстан кыргыз ишкерлерине 100 миллион доллар насыя берет

© Пресс-служба правительства / Сабыр АильчиевКРдин Экономика министри Артем Новиковдун архивдик сүрөтү
КРдин Экономика министри Артем Новиковдун архивдик сүрөтү - Sputnik Кыргызстан
Жазылуу
Өзбекстан берген насыя ишкерлерге коммерциялык банктар аркылуу жетип, өкмөт жоопкерчиликти мойнуна албайт

БИШКЕК, 14-дек. — Sputnik. Өзбекстан кыргызстандык ишкерлерге насыя иретинде 100 миллион доллар каражат бөлөрүн КРдин Экономика министри Артем Новиков билдирди.

Мындай келишимге президент Сооронбай Жээнбековдун Ташкент шаарына болгон иш-сапарынын алкагында кол коюлду.

"Бул насыялар Өзбекстандын продукцияларын импорттой турган ишкерлерге Кыргызстандын коммерциялык банктары аркылуу берилет", — деди Новиков.

Официальный визит президента КР Сооронбая Жээнбекова в Узбекистан - Sputnik Кыргызстан
Мирзиёев: кыргыз-өзбек ишкерлери өз демилгелери менен келишимдерди түзүп жатат
Министр кошумчалагандай, аталган насыялар боюнча өкмөт эч бир жоопкерчиликти мойнуна албайт. Каржылоонун майда-чүйдө маселелери боюнча Кыргызстан жана Өзбекстандын коммерциялык мекемелеринин ортосунда келишим түзүлөт.

Белгилей кетсек, 13-декабрь күнү Ташкент шаарында 300дөн ашуун кыргыз-өзбек ишкерлери катышкан соода-экономикалык сессия өттү. Анда биринчи жолу өкмөт менен ишкерлер бет маңдай отуруп, бийлик өкүлдөрү бизнесмендердин суроолоруна жооп беришти.

Ошондой эле өзбек өкмөтү өз өлкөсүнүн аймагында кыргызстандык ишкерлерге тиешелүү финансылык операцияларга тоскоолдук жана чектөөлөр болбой турганын тастыктаганы айтылды.

Жаңылыктар түрмөгү
0