Өкмөт чыгашаны 11,4 млрд. сомго кыскартууну көздөп жатат

Жазылуу
Өлкө жетекчилиги бюджеттин кирешесин көбөйтүп, чыгымын азайтууну пландаштырууда

БИШКЕК, 23-ноя. — Sputnik. Өкмөт мамлекеттик органдардын чыгымын 11,4 миллиард сомго кыскартмакчы болгонун премьер-министр Сапар Исаков Жогорку Кеңеште бюджет маселеси каралып жатканда билдирди.

"Быйыл өкмөт республикалык бюджеттин кирешесин 126,8 миллиард сомдон 141,5 миллиардга чейин көтөрүүнү максаттап жатат", — деди Исаков.

Здание Правительства Кыргызской Республики в Бишкеке - Sputnik Кыргызстан
Кыргызстан Борбор Азияда биринчи болуп "Ачык өкмөт" өнөктөштүгүнө кошулду
Премьердин айтымында, жалпы киреше структурасында салык Бажы кызматы аркылуу түшкөн каражаттын эсебинен 1,8 миллиард сомго көбөйөт. Муну менен бирге өкмөт башчы салыктан тышкаркы киреше 2017-жылы 27,5 миллиард сомго жогорулап, бул бекитилген суммадан 6,8 миллиардга көп экени айтылды.

"Исаков өзгөртүүлөрдү киргизүү менен өкмөт мамлекеттик органдардын айрым товарлар менен кызматтарды сатып алууга жана бюджеттин корголбогон беренелерине кеткен чыгымды 11,4 миллиард сомго кыскартып жатканын белгиледи", — деп айтылат маалыматта.

Өкмөт башчы жыл соңуна чейин өкмөт айлык акы, жөлөк пул жана башка социалдык төлөмдөр боюнча бардык милдеттемелерин аткара турганын кошумчалаган.

Жаңылыктар түрмөгү
0