Кыргызстанда корей автоунааларын чогулткан завод ачылат

© Sputnik / Михаил Киреев / Медиабанкка өтүүУнаа чыгаруу заводу. Архив
Унаа чыгаруу заводу. Архив - Sputnik Кыргызстан
Жазылуу
Эксперттердин айтымында, чыгарылган продукциянын баасы жергиликтүү рынокко туура келет

БИШКЕК, 21-ноя. — Sputnik. Кыргызстанда айыл чарба техникасы, жеңил унаа менен автобустар чыгарыла баштайт. Бул тууралуу Sputnik Кыргызстан агенттигине Инвестицияны илгерилетүү жана экспорт боюнча мамлекеттик агенттиктин жетекчиси Нурадил Баясов айтып берди.

Өлкө аймагында төмөнкү ишканаларды ачуу пландалып жатат:

— автобустарды SKD-чогултуу боюнча;

— айыл чарба техникасын чогултуу боюнча;

— "ДжиЭм Узбекистан" акционердик коомунан чыккан жеңил автоунаалардын дилерлик борборлору;

— "Узавтосаноат" жана "Автоцентр Эстакада" компанияларынын жеңил унааларын биргелешип чогултуу боюнча.

Самолет в аэропорту. Архивное фото - Sputnik Кыргызстан
TAV Airports Holding компаниясы КРде жаңы аэропорттун курулушун каржылоого даяр
Баясов учурда Кыргызстан менен Өзбекстан өнөктөштөрү жума сайын жолугуп сүйлөшүүлөрдү жүргүзүп жатканын маалымдады. Анда заводду ишке киргизүү күнү, кубаттуулугу, өндүрүлө турган техниканын номенклатурасы, жумушчу орундун саны талкууланып жатат.

Рынок, ишкана жана тейлөө кызматы ассоцияациясынын президенти Сергей Пономеровдун айтымында, заводдорду 2019-жылы пайдаланууга берүү пландалууда.

"Өзбекстандык инвесторлор Кыргызстанда эконом-класстагы кореялык жеңил унааларды чогултуу жана сатуу боюнча өз аянттарын ачууга даяр. Мындай машиналардын газ менен жүрүп, баасы да жеткиликтүү болушу каралууда", — деди эксперт.

Пономорев жаңы унааларга акчасын үстөксүз бөлүп төлөө шарты каралып жатканын белгиледи. Мындан улам эконом жана орто класстагы унаалардын кайра сатуудагы баасы түшө турганы божомолдонуп жатат.

Заводдон чыккан продукция Кыргызстан менен ЕАЭБ аймагында сатылмакчы.

Жаңылыктар түрмөгү
0