БИШКЕК, 23-окт. — Sputnik. "Кыргызалтын" ААКнын 25 жылдыгына карата Sputnik Кыргызстан агенттиги алтын өндүргөн завод тууралуу таң калтырган жети факты даярдады.
1. 2016-жылы "Кыргызалтын" 50 миллиард сомдук алтын саткан. Эгер бул акчаны 5 миң сомдук купюрага алмаштырып катарынан тизе турган болсок, Бишкектен Новосибирскиге чейин жетет.
2. Акыркы 25 жыл ичинде "Кыргызалтын" ишканасы 26 тонна Доре эритмесиндеги алтын өндүргөн (анын 90 пайызы баалуу металл). Бул алтындын баарын кубга айландыра турган болсок бийиктиги 1,2 метрден ашпайт: алтын укмуштуудай оор металл.
3. "Кыргызалтын" компаниясынын үч алтын кени бар — "Макмалалтын", "Солтон-Сары" жана "Терек-Сай" кендери.
4. "Кыргызалтын" компаниясында эки миңден ашык адам иштейт.
5. Мамлекеттин казынасы "Кыргызалтындын" арты менен жыл сайын 389 миллион сомго толукталып турат. Бул каражатка Кыргызстандагы бардык ооруканаларды 1 жыл 8 ай бою дары-дармек менен камсыздоого болот.
6. "Кыргызалтын" өндүргөн алтын куймалары Лондон биржасында сертификатталган Good Delivery статусуна ээ.
7. "Кыргыз деңизи" санаторийи "Кыргызалтын" компаниясына карайт.
