Открытие редакционного центра Sputnik Кыргызстан в Бишкеке - Sputnik Кыргызстан
Пресс-борбор

Мамлекеттик ипотека: жарандардын кирешеси менен төлөмдөрү белгилүү болду

© Sputnik / Табылды КадырбековПресс-конференция "Актуальные проблемы ипотечной жилищной программы"
Пресс-конференция Актуальные проблемы ипотечной жилищной программы - Sputnik Кыргызстан
Жазылуу
Мамлекеттик ипотека үстүбүздөгү жылдын 25-мартында ишке кирген. 16-ноябрга карата 563 миллион сомдук 491 насыя берилген.

БИШКЕК, 17-ноя. — Sputnik. Мамлекеттик ипотека алуучу үй-бүлөлөрдүн орточо кирешеси 30 миң сомду түзөт. Бул тууралуу "Мамлекеттик ипотекалык компания" ААКнын төрагасынын орун басары Нуржигит Усөнакун уулу Sputnik Кыргызстан агенттигинин мультимедиалык маалымат борборунда билдирди. 

Анын айтымына караганда 16-ноябрга карата 563 миллион сомдук 491 насыя берилген. Статистика боюнча ипотека алгандардын орточо кирешеси 31 миң сом болуп эсептелет. Анын 12 миңи насыя төлөөгө сарпталат. 

"Бирок бул ипотека ушунча айлык алгандарга гана берилет деген кеп эмес. Банктар үй-бүлөнүн кирешесин эсепке алат", — деп билдирди Усөнакун уулу. 

Ал ошондой эле негизги басым айыл аймактарга жасалып жатканын белгиледи. 

Турак-жай. Архив - Sputnik Кыргызстан
Жээнбеков ипотекалык насыянын жеңилдетилген программасын бекитти
Мамлекеттик ипотека үстүбүздөгү жылдын 25-мартында ишке кирген. Анын шарттары төмөнкүдөй болгон: максималдык сумма — 3 миллион сом; үстөк — 12-14 пайыз; төлөө мөөнөтү — 15 жылга чейин; батирдин мүмкүн болгон аянты — 70 чарчы метр, турак үйлөр 150 чарчы метр.

Кийинчерээк шарттар жеңилдетилген. Батирдин чарчы метри 70тен 80ге жогорулаган. Насыяны үй салуу үчүн алууга мүмкүнчүлүк жаралды. Акчалай салым кошо албагандар (үй баасынын 10-30 пайызы) күрөөгө мүлктүн койсо болот. Дагы бир жаңылык болуп — кепилдик берүүчү тарапты жокко чыгаруу болуп эсептелет. Бул маселени банк өзү чечмей болгон.

Турак үйдү сатып алуунун шарттары, эсептешүү мөөнөтү, үстөк пайызы жана максималдуу аянты туурасында Sputnik Кыргызстан материалынан окуңуздар>>

Жаңылыктар түрмөгү
0