БИШКЕК, 12-авг. — Sputnik. Бейшемби күнү Улуттук банк 11,2 миллион доллар сатканы тууралуу маалымат мекеменин расмий сайтына жарыяланды. Муну менен жыл ичинде 117 миллион 430 миң доллар сатылган.
Июль айынын соңунан баштап доллар кымбаттай баштады. Анын баасы бейшемби күнү акча алмаштыруучу жайларда 69 сомдук чектен ашты.
Улуттук банк бир гана сатуу жүргүзбөстөн, сатып алууларды да аткарган. Жыл ичинде башкы банк аркылуу 168, 32 миллон доллар сатып алынган.