Клаус Шваб: Кыргызстандын жаңы бийиктиктерди багынтуу үчүн бардык шарттары бар

© Пресс-служба правительства / Сабыр Аильчиев"Жайкы Давос-2016" экономикалык форумунун президенти Клаус Шваб КР премьер-министри Сооронбай Жээнбеков менен жолугушуу маалында
Жайкы Давос-2016 экономикалык форумунун президенти Клаус Шваб КР премьер-министри Сооронбай Жээнбеков менен жолугушуу маалында - Sputnik Кыргызстан
Жазылуу
Дүйнөлүк экономикалык форумдун жетекчиси менен Кыргызстандын премьер-министри өлкөнүн экспорттук мүмкүнчүлүктөрү жана транспорттук инфраструктуранын өнүгүүсүн талкуулады.

БИШКЕК, 28-июн. – Sputnik. Кыргызстан — чакан өлкө болгону менен колдогу мүмкүнчүлүктөрүн пайдаланып алдыңкы катарды ээлей алат. Бул тууралуу "Жайкы Давос-2016" экономикалык форумунун президенти Клаус Шваб КР премьер-министри Сооронбай Жээнбеков менен жолугушуу маалында айтты.

Өкмөттүн маалымат кызматынын билдирүүсүндө Шваб форум менен Кыргызстандын ортосундагы узак мөөнөттүү кызматташууга даяр экенин белгиледи. Жээнбеков өз кезегинде өлкөдөгү кырдаал менен тааныштырып, татаал жолду басып өткөн республика 2010-жылдан бери парламенттик башкаруу формасын тандап алганына токтолду.

"Кыргызстан демократиялык принциптерди туу тутат. Парламенттик система менен эки ирет шайлоо өтүп, эл аралык байкоочулар менен уюмдардын жогорку баасына татыды", — деди өкмөт башчы.

Шваб Кыргызстандагы абалга кылдат көз салып келгенин белгиледи.

"Демократиялык багыттагы ийгиликтерди жогору баалайбыз. Кыргызстан — чакан өлкө болгону менен колдогу мүмкүнчүлүктөрүн пайдаланып бир топ багытта алдыңкы катарды ээлей алат", — деди ал. 

Тяньцзинь шаарынын мэри Хуан Сингуо КР премьер-министри Сооронбай Жээнбеков менен жолугушуу учурунда - Sputnik Кыргызстан
Тяньцзинь шаарынын мэри Кыргызстанда өскөн мөмө-жемиштин даамына суктанды
Жолугушууда өлкөнүн экспорттук мүмкүнчүлүктөрү жана транспорттук инфраструктуранын өнүгүүсү да талкууланып, дүйнөлүк рынокко чыгуу үчүн темир жол тармагын өнүктүрүү зарылдыгы белгиленди. Мындан улам Жээнбеков Кытай — Кыргызстан — Өзбекстан темир жолунун курулушу менен Кыргызстан эл аралык темир жол түйүнүнүн катышуучусу болуп каларын кошумчалады.

Жолугушуу соңунда Шваб Жээнбековду Швейцарияга чакырды.

Жаңылыктар түрмөгү
0