16:04 01 Чын Куран 2020
Түз эфир
  • USD82.2000
  • EUR90.2474
  • RUB1.0437
Экономика
Кыскача шилтеме алуу
ЕАЭБдеги Кыргызстан (189)
132 0 0

Евразиялык экономикалык биримдикке мүчө өлкөлөрдүн премьер-министрлери мунай жана мунай продуктуларынын жалпы рыногун түзүү Концепциясына кол коюшту. 2018-жылга чейин программага өлкө президенттери дагы кол коюулары керек.

БИШКЕК, 20-май — Sputnik. Мунай жана мунай продуктулары боюнча жалпы рыноктун түзүлүшү менен Евразиялык экономикалык биримдиктеги өлкөлөргө көмүр суутегин алууга эркин жол ачылат. Бул тууралуу ЕАЭБдин маалымат кызматы билдирди. 

ЕАЭБ бирикмесиндеги өлкөлөрдүн премьер-министрлери 20-майда Ереванда өткөн өкмөт аралык жыйында мунай жана мунай продуктуларынын жалпы рыногун түзүү Концепциясын кабыл алышкан. 

2018-жылдын 1-январына чейин ЕАЭБ өлкөлөрүнүн президенттери аталган рыноктун түзүлүшү боюнча программаны кабыл алуулары керек. Жалпы 50 чечимди ишке ашыруу менен жеткирүү системасына бирдей эрежелерди иштеп чыгуу керектелет. 

"Мындан тышкары, биримдиктеги өлкөлөрдө бирдиктүү биржалык товар рынокторун түзүү менен өлкөлөр арасындагы рыноктук барьерлерди жоюу каралат", — деп айтылат билдирүүдө. 

Концепциядагы маалыматка ылайык мунай жана мунай продуктулары боюнча жалпы рынокту түзүүгө беш жыл ичинде 5-8 миллиард доллар жумшалат. 

"Концепция углеводдордун рынокто эркин айлануусуна шарт түзөт. Бул ортодо калыс баанын түзүлүшүнө алып келет", — деп Евразия экономикалык комиссиянын энергетика жана инфраструктура боюнча министри Данил Ибраев билдирди. 

Белгилей кетсек, Кыргызстан мунай продуктуларын Россиядан сатып алат. 

Тема:
ЕАЭБдеги Кыргызстан (189)

Тема боюнча

ЕАЭБ: премьерлер мунай заттарынын жалпы рыногу боюнча концепцияны кабыл алды
Жээнбеков: ЕАЭБ Кытай менен кызматташууга басым жасашы керек
Армения президенти ЕАЭБ мамлекеттеринин өкмөт башчылары менен жолукту
Белгилер:
продукция, концепция, Мунай, Евразиялык экономикалык биримдик

ЭҢ МААНИЛҮҮ