Жаңы ишканалардын ачылышы боюнча Нарын облусу алдыда келе жатат

© Sputnik / Табылды КадырбековНарын облусундагы трактор ишканасы. Архив
Нарын облусундагы трактор ишканасы. Архив - Sputnik Кыргызстан
Жазылуу
Республика боюнча жыл башынан бери 129 жаңы ишкана ачылып, 492 адам жумушка тартылган.

БИШКЕК, 6-апр. — Sputnik. Үстүбүздөгү жылдын 1-кварталында жаңы ишканаларды ачуу боюнча Нарын облусу алдыда экенин Экономика министрлиги билдирди.

Сүт заводу. Архив - Sputnik Кыргызстан
Өкмөт: былтыр Кыргызстанда 647 жаңы ишкана ачылып, 10 миңден ашуун жумушчу орун түзүлдү
Маалыматка ылайык, көрсөтүлгөн мезгил аралыгында Нарында 53 жаңы ишкана ачылып, 69 жумушчу орун түзүлгөн. Андан кийинки орунда 18 ишкана жана 27 жумушчу орун менен Талас облусу турат. 

Баткенде аталган мезгил аралыгында 18 ишкана ачылып, 77 жумушчу орун түзүлсө, Ысык-Көлдө 10 ишкана иштетилип, 38 адам жумуш менен камсыз болгон. Чүйдө 13 жаңы ишкана ачылып, 120 жумушчу орун түзүлсө, Ош облусунда 4 ишкана ачылып, 56 киши ишке тартылган. Жалал-Абад облусунда 12 ишкана ачылып, 94 адам жумуш менен камсыздалса, Ош шаарында бир компания ачылып, 10 киши иш менен камсыз болгон.

Республика боюнча жыл башынан бери 129 жаңы ишкана ачылып, 492 адам жумушка тартылган. 

Жаңылыктар түрмөгү
0