12:43 19 Баш оона 2019
Түз эфир
  • USD69.7979
  • EUR77.3640
  • RUB1.0576
Электрикчи. Архив

Дүйнөлүк банк Кыргызстандын энергетика тармагын реформалоого колдоо көрсөтөт

© Sputnik / Михаил Воскресенский
Экономика
Кыскача шилтеме алуу
44 0 0

Вице-премьер Олег Панкратов менен Дүйнөлүк банктын аткаруучу директору Йорг Фридендин жолугушуусунда тараптар табигый ресурстардан энергия алуу жана билим берүү тармагын күчөтүү жаатында иш алып барууга макулдашышты.

БИШКЕК, 19-янв. — Sputnik. Дүйнөлүк банк Кыргызстандын энергетика тармагын реформалоого колдоо көрсөтө турганы вице-премьер Олег Панкратов менен Дүйнөлүк банктын аткаруучу директору Йорг Фридендин жолугушуусунан соң белгилүү болду.

Панкратов былтыркы жылы ички дүң продукция (ИДП) 3,6 пайызды түзүп, инфляция 3,5 пайызга жеткенин белгиледи. Анын айтымында, Кыргызстандын экономикалык абалы быйыл туруктуу болуп, ИДП 5,2 пайызга өсөрүнө ишеним күч.

"Мындай жогорку көрсөткүчкө Дүйнөлүк банк сыяктуу өнөктөштөрдүн колдоосу менен гана жетүүгө мүмкүн. Аталган банк менен кызматташуу аркылуу 20 жыл ичинде бир нече маанилүү долбоорлор ишке ашты", — деди Панкратов.

Фриден өз кезегинде бул өз ара пайдалуу кызматташуу экенин белгилеп, өлкөгө берилүүчү жардам улантыла турганын айтты.

"Биз Кыргызстандын энергетика тармагын реформалоого жана бюджетти пландаштырууга жардам көрсөтөбүз. Мындан улам жакын арада өлкөнүн бюджеттик кодекси кабыл алынат деп ишенебиз", — деди ал.

Жолугушуу маалында тараптар табигый ресурстардан энергия алуу жана билим берүү тармагында иш алып барууну күчөтүүгө макулдашышты.

Тема боюнча

Дүйнөлүк банк: Кыргызстандын экономикасы алдыдагы үч жылда илгерилейт
Азыркы депутаттар 60 млн. сомдон ашуун каражатты үнөмдөйбүз деп жатышат
Белгилер:
жолугушуу, билим берүү, долбоорлор, энергетика, дүйнөлүк банк, Кыргызстан

ЭҢ МААНИЛҮҮ