Эксперт: сомду коргоо үчүн Кытай, Индия, Өзбекстан менен соода кылуу керек

Жазылуу
Кыргыз сому Россия жана Казакстандагы финансылык абалга түздөн-түз көз каранды экенин Искендер Шаршеев айтат.

БИШКЕК, 29-окт. — Sputnik. Кыргыз сомунун курсу рублдин термелүүсүнө абдан сезгич келе турганын Кыргызстандагы чет элдик инвесторлор ассоциациясынын өкүлү Искендер Шаршеев Sputnik агенттигине билдирди.

Тигүүчү аппараттар. Архив - Sputnik Кыргызстан
Экономикалык каатчылык жана валюта девальвациясы тигүү өндүрүмүн азайтты
Россиянын финансы министрилиги жыл аягында рублдин курсу түшө турганын эскертип, бул жыл аягында болотурган көрүнүш экенин, ал нефттин баасына жана жыл мезгилине жараша болрун айтты  .

Шаршеевдин айтымында, Кыргызстанда өндүрүлгөн товарлар негизинен Россия менен Казакстанга кеткендиктен эгер рублдин куну түшсө ишкерлерге терс таасир тийгизип, кыргыз ишкерлерине да бир топ көйгөйлөрдү жаратышы мүмкүндүгүн белгиледи.

"Сомдун кунунун түшүшү менен ата мекендик ишканалар жумушчуларын кыскартканга же алардын маяналарын азайтканга мажбур болушат. Рублдин таасиринен көз каранды болбош үчүн кичи өндүрүштү өнүктүрүп, экспорт менен реэкспортту Кытай, Индия өңдүү мамлекеттерге чыгарыш керек", — дейт ал.

Андан сырткары, Өзбекстан менен соода-сатык жаатындагы мамилени өзгөртүп, чек араны ачыш керектигин, ошондой эле бул багытта саясатчылар менен ишкерлердин аракеттери талап кылынарын кошумчалады.

Шаршеев ошондой эле, сомдун курсун кармап туруу үчүн катуу интервенция кылбай, аны эркин коё берүү зарыл керек дейт.

Жаңылыктар түрмөгү
0