Майлуу-Суудагы электр лампа заводунун ишин жандандырууну өкмөт колго алат

© Sputnik / Сергей Лидов / Медиабанкка өтүүМайлуу-Суу электр лампа заводу. Архив
Майлуу-Суу электр лампа заводу. Архив - Sputnik Кыргызстан
Жазылуу
Вице-премьер Валерий Диль Жалал-Абад облусуна иш сапары менен барып, ал жактагы бир катар объектилердин иши менен таанышты.

БИШКЕК, 2-окт. — Sputnik. Майлуу-Суу электр лампа заводунун ишин жандантууга өкмөт колдоо көрсөтө турганын вице-премьер Валерий Диль Жалал-Абад облусуна болгон иш сапары учурунда билдирди.

Анын айтымында, аталган завод шаардын басымдуу бөлүгүн тейлөөгө жөндөмдүү. Андыктан ишкананын мындан аркы иштешине мамлекет кызыкдар.

"Заводдун технологиялык өндүрүшүн модернизациялап, товардын түрүн көбөйтүү жана жаңы рынок издөө зарыл. Бул маселелерди чечүүгө өкмөт жардам берет", — деди Диль.

Вице-премьер андан кийин Кыргызстандагы нефть жана газ кендерине чалгын жүргүзүп, иштеткен "Кыргызнефтегаз" компаниясынын ишмердүүлүгү менен таанышты. Диль акыркы маалда ишкананын абалы жакшырганын, бул анын экономикалык көрсөткүчүнөн улам белгилүү болгонун айтты.

"Компания 100 миллион доллар өлчөмүндө инвестиция тартып, каражат кен, нефть, газ чыккан жаңы жерлерди изилдөөгө жумшалды. Бул нефть казуунун көлөмүн эки эсеге көбөйтөт", — деди чиновник.

Андан соң вице-премьер Кочкор-Ата шаарындагы реконструкцияланган стадион жана жаңы ачылган бала бакчанын иши менен таанышты. 

Жергиликтүү администрация менен өткөрүлгөн чогулуш учурунда Диль бийлик элге жакын болуп, инвесторлор менен тыгыз иштешүү керектигин белгиледи. Анын айтымында, бул салык көлөмүн жогорулатып, социалдык көйгөйлөрдү чечүүгө өбөлгө болот.

Жаңылыктар түрмөгү
0