18:34 19 Бирдин айы 2020
Түз эфир
  • USD69.8489
  • EUR75.4648
  • RUB1.0967
Экономика
Кыскача шилтеме алуу
34 0 0

Изилдөөлөрдүн жыйынтыгы боюнча, мындан үч жыл мурун Кыргызстандагы бюджеттин ачыктыгы 20 упайга гана бааланса, быйыл Казакстан, Түркия, Азербайжан, Индия сыяктуу 67 мамлекетти артка калтырып, 34-орунду ээледи.

БИШКЕК, 10-сен. — Sputnik. Кыргызстан бюджетинин ачыктыгы боюнча 54 упайга ээ болуп, 34-орунга жеткенин Каржы министрлиги билдирет.

Маалыматка ылайык, Эл аралык бюджет өнөктөштүгү тарабынан түзүлгөн бюджеттин ачыктык индекси коомчулукка бюджеттик маалыматтын жеткиликтүүлүк деңгээлин аныктайт. 

Мындан үч жыл мурунку ушундай эле изилдөөнүн жыйынтыгы боюнча Кыргызстандагы бюджеттин ачыктыгы 20 упайга бааланып, 76-орунда турса, быйыл Казакстан, Түркия, Азербайжан, Индия сыяктуу 67 мамлекетти артка калтырып, 34-орунду ээледи. 

Аталган индекс бюджеттик арыз, бюджет долбоору, бекитилген бюджет, жарандык бюджет, бюджеттин аткарылышы боюнча жыл аралыгындагы отчету, жарым жылдык отчет, жылдык отчет, аудитордук отчет сыяктуу сегиз бюджеттик документтин коомчулукка жеткиликтүүлүгү боюнча түзүлөт. 

Каржы министрлиги бюджеттин ачыктыгын камсыздоо үчүн Эл аралык бюджет өнөктөштүгүнүн иш тажрыйбасы менен талабына ылайык, негизги бюджеттик документтердин форматы иштелип жатканын эскертет.

Тема боюнча

Бюджет — 2016: өзгөчө кырдаалдан жабыркагандарга 550 млн. сом каралды
Эмдиги жылы бюджет 27,3 млрд. сомго тартыш болот
Белгилер:
орун, упай, индекс, бюджет, Кыргызстан

ЭҢ МААНИЛҮҮ