Каржы министрлиги эмдиги жылы КНС түрүндө 39 млрд. сом алууга ниеттенүүдө

© Sputnik / Михаил Мордасов / Медиабанкка өтүүСалык декларациясы. Архив
Салык декларациясы. Архив - Sputnik Кыргызстан
Жазылуу
Болжолдуу бюджет Кыргызстандын ЕАЭБге кошулушун эс алуу менен, ошондой эле ИДП, анын структурасы, импорттун көлөмү, өткөн жылкы төлөмдөр жана 2015-жылдын киреше көлөмү сыяктуу көрсөткүчтөрдүн негизинде түзүлдү.

БИШКЕК, 2-сен. — Sputnik. 2016-жылга карата кошумча нарк салыгынын болжолдуу көлөмү 39 миллиард сомду түзө турганын Каржы министрлиги билдирет.

Мамлекеттин эмки жылга карата болжонгон бюджети 118,2 миллиард, ал эми чыгашасы 145,5 миллиард сомду түзөт. Бюджеттин таңсыктыгын жабуу үчүн 27,3 миллиард сом көлөмүндө кошумча каражат булагы каралган.

Бюджет — 2016: өзгөчө кырдаалдан жабыркагандарга 550 млн. сом каралды
Маалыматка ылайык, болжолдуу бюджет Кыргызстандын ЕАЭБге кошулушун эске алуу менен, ошондой эле ИДП, анын структурасы, импорт, өткөн жылкы төлөмдөр жана 2015-жылдын киреше көлөмү сыяктуу көрсөткүчтөрдүн негизинде түзүлдү. 

2016-жылга карата кошумча нарк салыгынын көлөмү 2015-жылдын такталган бюджетинен төрт миллион 589 миң сомго, башкача айтканда, 13,3 пайызга жогору болору белгиленди. Мында КНС негизинен ЕАЭБ өлкөлөрүнөн келген продукциядан көп алынары, жалпы көлөмдөн 38 пайызга көп болору болжолдонууда.

Үчүнчү өлкөлөрдөн алынып келген товарлардан 11 миллиард 575,2 миллион сом КНС алынат. Бул 2015-жылдын такталган бюджетинен беш миллиард 350,8 миллион сомго көп көрсөткүч болуп саналат.

Ички продукциядан 11 миллиард 580 миллион сомго көп КНС алынып, ушул жылдын такталган бюджетинен бир миллиард 350 миллион сомго жогору болот.

КНС толугу менен республикалык бюджетке түшөт.

Жаңылыктар түрмөгү
0