Кыргызстан ЕАЭБдин алкагында экономиканы реформалоо ниетинде

Жазылуу
Кыргызстан ЕАЭБге кирүү менен, керектөөчү өлкөдөн өндүрүп сатуучу өлкөгө айлануу ниетинде деп билдирди КРдин президенттик аппарат башчысынын орун басары Сапар Исаков.

БИШКЕК, 1-сен. — Sputnik. Кыргызстан Евразиялык экономикалык биримдиктин (ЕАЭБ) алкагында экономикалык реформаларды жүргүзүү ниетинде деп билдирди дүйшөмбүдө өлкөнүн президенттик аппарат жетекчисинин орун басары Сапар Исаков. 

ЕЭК: Кыргызстан Евразиялык экономикалык биримдиктин толук мүчөсү болду - Sputnik Кыргызстан
ЕЭК: Кыргызстан Евразиялык экономикалык биримдиктин толук мүчөсү болду
Кыргызстан 12-августта Евразиялык экономикалык биримдиктин толук укуктуу мүчөсү болду. Ушуга байланыштуу кыргыз-казак чек арасында бажы процедуралары жоюлуп, Кыргызстандын аймагында ЕАЭБдин бирдиктүү бажы тарифи жана тышкы экономикалык саясатынын бирдиктүү товардык номенклатурасы, ошондой эле өндүрүмдөргө карата Бажы биримдигинин техникалык регламенттери тарабынан орнотулган бирдиктүү талаптар күчүнө кирди.

"ЕАЭБге мүчөлүктүн алкагында биз олуттуу түзүмдүк реформаларды ишке ашырып, керектөөчү өлкөдөн өндүрүп сатуучу өлкөгө айлануу ниетиндебиз", — деди Исаков россиялык журналисттердин суроолоруна жооп берип жатып. 

Ал белгилегендей, биримдиктин алкагында Кыргызстан өзүнүн жеңил өнөр жай жана айыл чарба продукцияларын сатуу үчүн рынокту кеңейтүүнү көздөйт. 

"Кыргызстан азыртан эле өзүн эки багытта жакшы көрсөтө алды. Бул кийим тигүү өнөр жайы жана айыл чарбасы. ЕАЭБге кошулуунун алкагында Кыргыз-россиялык өнүктүрүү фонду түзүлдү. Ал биздин өндүрүүчүлөр бутуна туруп кетиши үчүн эң төмөн үстөк пайыз менен насыяларды берет. Биздин илгери ийгиликке ишеничибиз чоң жана ЕАЭБге мүчө болуунун пайдасын мүмкүн болушунча көбүрөөк көрсөк дейбиз", — деп белгиледи Исаков.

Анын айтымында, Кыргызстандын аталган биримдикке кошулуусу кошумча иш орундарын түзүүгө да өбөлгө түзүп, эмгек мигранттарыбызга өз мекенине кайтып келүүгө мүмкүнчүлүк берет. 

"Биздин жарым миллионго жакын жараныбыз өлкөнүн сыртында жүрөт, көпчүлүгү Россияда. Алардын акча которуулары республиканын экономикасына жакшы таасир этти. Бирок акыркы кезде эмгек мигранттары өлкөгө кайтып келе баштады. Биримдикке мүчө болуу кошумча иш орундарын да жаратат", — деп белгиледи Исаков.

Анын айтуусу боюнча, эл аралык иштерде Кыргызстан өзүнүн таразаланган саясатын жүргүзүүдө, мындан ары башкалар жылган тарапка эле оой бербей, тышкы саясатыбызды активдүү алып барат.

Исаков ЕАЭБге мүчөлүк жөн гана сөз эмес, бул башка мүчөлөр менен, биринчи кезекте Россия менен тыгыз өз ара аракеттешүү экенин кошумчалады. 

Жаңылыктар түрмөгү
0