Панкратов: Кыргызстандын ЕАЭБ өлкөлөрүнө этти качан сата баштары белгисиз

© Sputnik / Табылды КадырбековБазарда сатыла турган эт. Архив
Базарда сатыла турган эт. Архив - Sputnik Кыргызстан
Жазылуу
Кыргызстандагы фитосанитардык жана ветеринардык лабораториялар талап кылынган стандарттарга ылайыкталгандан кийин жергиликтүү эт ЕАЭБдин рыногуна чыгат.

БИШКЕК, 19-май — Sputnik. Россиянын жана Казакстандын колдоосу менен ветеринардык жана фитосанитардык кызматтарды ЕАЭБдин стандарттарына ылайыктоо иштери жүрүп жатат. Бул туурасында экономика министри Олег Панкратов билдирди.

8-майда Евразиялык экономикалык биримдиктин алгачкы саммитинде республиканын альянска кошулушу жөнүндө акыркы документтерге кол коюлган. Жума күнү Кыргызстандын ЕАЭБге кириши боюнча документтердин толук пакети Жогорку Кеңештин кароосуна алып чыгаарын билдирген.

Министрдин айтымында, эт боюнча жагдай биз каалагандай жакшы болбой жатат. 

"Анткен менен Россия менен Казакстандын колдоосу менен ветераинардык жана фитосанитардык кызматтарды ЕАЭБдин стандарттарына ылайыктоо иштери жүрүп жатат. Булар бүткөндөн кийин аталган маселе чечилет деп ойлойм", — деди Панкратов. 

Ал КРдин фитосанитардык жана ветеринардык кызматтары көзөмөл өткөрүүчү жети жайга орнотулат. 

"Мындан сырткары, бул кызматтар өлкөдөгү юридикалык абалга мониторингди камсыздап турушу керек. Биринчи баскычта Бишкек менен Оштогу экиден лабораторияны акрредитациялап жана майда-чүйдөсүнө чейин жабдууларды орнотууну бүткөрүш керек. Бул биздин системаны алардыкына теңдештирүүгө мүмкүнчүлүк берет ",— деп кошумчалады ал. 

Премьер-министр Темир Сариев буга чейин КРдин ЕАЭБге кошулуусунун биринчи күнүнөн тарта мигранттардын, товарлардын, каптиалдардын жана кызмат көрсөтүүлөрдүн өлкөлөрдүн аймагында эркин жүрө турганын айткан.

Жаңылыктар түрмөгү
0