2015-жылдан баштап ЕЭК ЕАЭБке мүчө мамлекеттерден мамсатып алуулар боюнча отчет чогултат

© Sputnik / Алексей Мальгавко / Медиабанкка өтүүЭсеп. Архив
Эсеп. Архив - Sputnik Кыргызстан
Жазылуу
Быйылтан баштап ЕАЭБке мүчө өлкөлөр мамлекеттик сатып алуулар (билдирүүлөр, протоколдор, келишимдер жөнүндө маалыматтар) боюнча 100 пайыз маалыматты расмий мамлекеттик веб-порталдарга жайгаштырылат.

БИШКЕК, 17-фев — Sputnik. Евразиялык экономикалык биримдикке мүчө мамлекеттер 2015-жылдан баштап Евразиялык экономикалык комиссияга (ЕЭК) өздөрүнүн мамлекеттик сатып алуулары боюнча расмий статистиканы берип баштай турганын Евразиялык коммуникациялык борбору билдирди.

ЕЭКтин атаандаштык саясаты жана мамлекеттик сатып алуулар боюнча саясат департаментинин жетекчисинин орун басары Анатолий Филоновдун айтымында, Евразиялык экономикалык комиссияга бериле турчу расмий статистикалык маалыматтардын тизмеси өткөн жылдын аягында бекитилген.

Оторбаев Жоомарт Каипович - Sputnik Кыргызстан
Оторбаев: 9-майда Кыргызстан ЕАЭБнын толук укуктуу мүчөсү болуп кириши керек
Мамлекеттик сатып алууларга катышкан жеткирүүчүлөр жөнүндөгү маалыматтар да боло турганын айткан Филонов статистикалык маалыматтарды ЕАЭБке мүчө мамлекеттер 2015-жылдан тарта берип баштарын белгиледи.

Ал ошондой эле, муну менен катар бардык өлкөлөрдөгү мамлекеттик сатып алуулардын статистикалык көрсөткүчтөрүн бирдейлештирүү боюнча иштер жасала турганын кошумчалады.

Андыктан быйыл Евразиялык экономикалык биримдикке мүчө мамлекеттер мамлекеттик сатып алуулар боюнча 100 пайыз маалыматты расмий мамлекеттик веб-порталдарга жайгаштырышы кажет. Алдын ала эсептөөлөргө ылайык, электрондук сатып алуулар жалпы сатып алуулардын 60 пайызын түзөт.

ЕАЭБке мүчө өлкөлөрдүн 2013-жылкы мамлекеттик сатып алуулары 275,3 миллиард долларды түзгөн. Анын ичинен Россия Федерациясынын үлүшү 250,4 миллиард долларды түзөт.

Россия, Беларусь жана Казакстан мамлекеттери 2014-жылдын 29-майында Астана шаарында 2015-жылдын 1-январынан тарта күчүнө кире турган Евразиялык экономикалык биримдик жөнүндө келишимге кол коюшкан. 2-январда ЕАЭБке Армения кошулган. Май айында Кыргызстандын кошулушу күтүлүп жатат.

Жаңылыктар түрмөгү
0