Таласта төө буурчактын баасы көтөрүлбөй жатат

© Фото / Нургул МаксутоваТөө буурчак
Төө буурчак - Sputnik Кыргызстан
Жазылуу
Учурда Таласта төө буурчактын тазаланганы 55 сомдон, ал эми талаадан жыйналып, тазаланбай кампага түшкөнү 51 сомдон сатылууда.

БИШКЕК, 5-янв — Sputnik. Учурда Таласта төө буурчактын баасы дүңүнөн 51-55 сомдун тегерегинде сатылууда. Мындан бир нече жума мурда 46 сомго түшүп кеткен. Бул туурасында төө буурчак сатып алган "Кыргызцентрпродукт" ишканасынын өкүлү Талант Белашаров Sputnik маалымат сайтына кабарлады. 

Төө буурчак экспорту эми Түркияда талкууланмакчы
Быйылкы түшүм өткөн жылга салыштырмалуу начар чыгып, буга аба ырайынын кургакчылдыгы себепкер болгон. Андан сырткары дыйкандар былтыркыга салыштырмалуу быйыл төө буурчакты арбын айдашкан. 

Төө буурчак боюнча маселе буга чейин Жогорку Кеңештин деңгээлинде каралып, анын баасы жасалма түрдө арзандап жаткандыгы боюнча маселе айтылып, атайын депутаттык комиссия түзүлгөн. 

Мындан бир нече жума мурда кыргыз өкмөтү Түркияга төө буурчак экспорттоо боюнча сунуш киргизип, ал айыл чарба министрлеринин Анкарадагы көзмө-көз жолугушуусунда талкууланмакчы болгон.

Жаңылыктар түрмөгү
0