16:47 22 Бирдин айы 2018
Түз эфир
Пункт обмена валют в Бишкеке

Улуттук банк акча алмаштыруучу жайларды бардыгын жабуу демилгесин көтөрдү

© Sputnik / Табылды Кадырбеков
Экономика
Кыскача шилтеме алуу
Кыргызстандагы акча алмаштыруу жайларын жабуу жөнүндөгү демилге (8)
53 0 0

Улуттук банктын пикиринде, мындай кадам акча алмаштыруучу жайлардын пайданын артынан кууп отуруп, сомго таасирин тийгизе баштаганда жасалды.

БИШКЕК, 25 дек — Sputnik. Кыргызстандын Улуттук банкы өлкө аймагындагы акча алмаштыруучу жайларды жабуу боюнча мыйзам долбоорун демилгелеп жатат. Бул туурасында аталган банктын маалымат кызматы билдирди. 

Маалыматка ылайык, быйыл өлкө аймагындагы акча алмаштыруучу жайларга 1 миң 215 ирет текшерүү жүргүзүлгөн. Жыйынтыгында, алар кардарларды идентификациялоо, алмаштырылган акчанын так санын жашыруу, УБга туура эмес маалымат берип, текшерүүгө келген УБ кызматкерлерине тоскоол кылышкан учурлар аныкталган. 

УБ өзүнө берилген укуктардын негизинде мыйзам бузууларды таап чыгып, анын жыйынтыгында акча алмаштыруучу 15 жайды лицензиясынан ажыратып, 129 жайдын лицензиясын токтотуп, 16сына оозеки түрдө, ал эми 220сына кат жүзүндө эскертүү берген.

"Мыйзам долбоору валюта рыногундагылар — жергиликтүү жана чет элдик валюталарды нак түрдө алмаштыруу менен иштегендерге, экинчи валюта рыногундагы Улуттук банктын көзөмөлдөрүнүн майнаптуу жана өз учурунда жасалышына багытталган", — деп билдиришти Улуттук Банктын маалымат кызматынан. 

Аталган мыйзам күчүнө киргенден кийин Кыргызстандын ичинде чет элдик акчаларды алмаштыруу операцияларын аткарып келген жайлар ишмердүүлүгүн токтотот, ал эми лицензиялары берилген мөөнөтүнө карата алынат. 

Чет элдик валюталарды нак алмаштыруу операцияларын эми каржы-кредиттик мекемелер аткарып калат: алар банктар, кредиттик союздар, адистештирилген каржы-кредиттик мекемелер, кичи каржылык жана кичи кредиттик компаниялар 

Улуттук банктын пикиринде, мындай мыйзам кабыл алынып калса банктык көзөмөл жана экономика жөнгө салынып, акча алмаштыруу рыногу бир тартипке келет.

Улуттук банк акча алмаштыруучу жайлардын кызыл кулактыгын токтотуу үчүн декабрдын бери үч ирет интервенция жасады. Орус рублинин курсу сомдон арзандагандан соң, эл акчаны көп сатып ала баштады.Мындан сырткары, декабрдын аягында орус акчасы төмөн түшүп кетти. Бир евро 100 рублга жетип, ал кыргызстандыктарды да дүрбөлөңгө салган.

Тема:
Кыргызстандагы акча алмаштыруу жайларын жабуу жөнүндөгү демилге (8)

Тема боюнча

Улуттук банк элге долларды сатууга чектөө киргизген эмес
Рублдин кунунун түшүшү эмгек мигранттарына кыйынчылык жаратты
Белгилер:
Улуттук банк
Колдонуу эрежелериПикирлер

ЭҢ МААНИЛҮҮ