23:50 28 Тогуздун айы 2021
Түз эфир
  • USD84.7974
  • EUR98.2887
  • RUB1.2024
Маданият
Кыскача шилтеме алуу
Эгемендүүлүктүн 30 жылдыгын майрамдоо (65)
251 0 0

Түрк тилдүү мамлекеттердин кызматташуусу боюнча кеңеш Кыргызстандын эгемендүүлүгүнүн 30 жылдыгын Венгрияда белгиледи.

БИШКЕК, 3-сен. — Sputnik. Бул күндөрү Венгрияда Түрк тилдүү мамлекеттердин кызматташуусу боюнча кеңештин (ТТМКК) көз карандысыздыгынын 30 жылдыгына арналган иш-чара өтүп, анда тышкы иштер министринин биринчи орун басары Нуран Ниязалиев Кыргызстанды тааныштырган маалымат берди.

Жолугушуунун расмий бөлүгүн маданий иш-чаралар коштоп, Будапештте "Манас" эпосу менен элдик "Сары-Ой" ыры да жаңырган.

ТИМдин маалымат кызматы Ниязалиевдин Венгрияга сапары аталган кеңештин чакыруусу менен болгондугун билдирди.

Өлкөнү таанытуу максатында министрдин орун басары "Кыргызстандын көз карандысыздыкка ээ болгондон кийинки жолу: ээ болгон тажрыйба жана келечек" деп аталган темада маалымат берген.

Иш-чарага Түрк тилдүү мамлекеттердин кызматташуусу боюнча кеңештин Венгриядагы өкүлү Янош Ховари, тышкы иштер жана тышкы экономикалык байланыштар министри Андраш Барани, Венгриянын КРдеги элчиси Шандор Дороги жана башка элчилер катышкан. Алардан сырткары, Венгриядагы дипломатиялык корпустун өкүлдөрү, окумуштуу-түркологдор, эксперттер жана аталган мамлекетте билим алып жаткан кыргызстандык студенттер, докторанттар келген.

Ниязалиевдин лекциясынан кийин кеңири талкуу болду.

Иш-чаранын алкагында кыргыздын руханий дөөлөтү "Манас" эпосунан үзүндү айтылып, классик акын Алыкул Осмоновдун чыгармалары окулду. Андан сырткары, кыргыз тилиндеги ырлар аткарылды.

"Бүгүн Мажарстандын борбору Будапештте Кыргыз Республикасынын эгемендүүлүгүнүн 30 жылдыгын салтанаттуу белгиледик. Мен мамлекетибиздин тарыхы боюнча маалымат берсем, а мажарлык жигиттер Шомфай Кара Давид "Манастан" үзүндү айтып, Тамаш Палчо кыргызча ырдап берди. "Манасты" кандай айтканын жана кандай ырдаганын өзүңүздөр баамдап көрүңүздөр. Тарыхыбыз менен маданиятыбызды Европа элдерине таанытуу демилгеси", — деп жазган Нуран Ниязалиев өзүнүн Facebook тармагындагы баракчасына.

Шомфай Кара Давид — венгриялык түрколог, этнограф, котормочу. Ал "Манас" эпосун изилдеп, Кыргызстанга көп келгендиктен кыргыз тилин мыкты билет.

Ал эми классикага айланган "Сары-Ой" ырын профессионал ырчы Тамаш Палчо аткарган.

Тема:
Эгемендүүлүктүн 30 жылдыгын майрамдоо (65)

Тема боюнча

Көз жоосун алган кооздук! 30 жылдык майрамда атылган салюттун видеосу
Кыргызстандыктарга Венгрияда бекер билим алууга 150 орун бөлүндү. Шарт-талабы
Белгилер:
Кыргызстан, Венгрия, ТИМ, Кыргызстандын эгемендүүлүк күнү, Атай Огонбаев, ыр, Нуран Ниязалиев

ЭҢ МААНИЛҮҮ