22:54 21 Кулжа 2021
Түз эфир
  • USD84.5191
  • EUR100.5101
  • RUB1.1547
Маданият
Кыскача шилтеме алуу
31 0 0

Киносынак 24-сентябрдан 9-октябрга чейин өтөт. Толук метраждуу "Шамбала" тасмасы Чыңгыз Айтматовдун "Ак кеме" повестинин негизинде тартылган.

БИШКЕК, 11-июн. — Sputnik. Кыргызстандык режиссёр Артыкбай Сүйүндүковдун "Шамбала" тасмасы Испаниядагы Imagine India Film Festival кинофестивалына катышат. Бул тууралуу Төлөмүш Океев атындагы "Кыргызфильм" киностудиясы кабарлады.

Иш-чара 24-сентябрдан 9-октябрга чейин өтөт. Анда Сүйүндүковдун киносу толук метраждуу тасмалар бөлүгүндө ат салышат.

Imagine India фестивалы Индия субконтиненти менен Азия, Испания менен Европа биримдигинин ортосундагы кызматташтыкты чыңдоого багытталган. Ар жылы улам бир мамлекетте өтүп турат.

Артыкбай Сүйүндүковдун толук метраждуу "Шамбала" тасмасы Чыңгыз Айтматовдун "Ак кеме" повестинин негизинде тартылган.

"Шамбала" тасмасы быйыл 25-апрелде "КМШ жана Балтика өлкөлөрүнүн мыкты тасмасы" номинациясын утуп, Россиянын Кинематографиялык искусство академиясынын "Ника" сыйлыгына татыган. Ошону менен бирге 8-15-январда Калькуттада (Индия) өткөн эл аралык кинофестивалда "Мыкты режиссура" сыйлыгына ээ болгон.

Тема боюнча

Режиссёр Сүйүндүковдун эл аралык фестивалдан уткан сыйлыктары колуна тийди
Белгилер:
кинофестиваль, "Шамбала" тасмасы, Артыкбай Сүйүндүков

ЭҢ МААНИЛҮҮ