22:40 11 Чын Куран 2021
Түз эфир
  • USD84.7863
  • EUR100.7855
  • RUB1.0988
Маданият
Кыскача шилтеме алуу
0 0

Беларуста атактуу режиссёр Шамшиевдин мындан 49 жыл мурда тартылып кыргыз киносунун шедеврлеринин катарын толуктаган мыкты тасмасы да көрсөтүлөт.

БИШКЕК, 7-апр. — Sputnik. Минск калаасында 9-11-апрелде кыргыз киносунун күндөрү өтүп, борбор шаардын тургундары кыргыз жана советтик кинорежиссёрлор тарткан тасмаларды көрө алат. Бул тууралуу Кыргызстандын Беларустагы элчилигинен билдиришти.

Аталган мамлекеттин жарандарына сунушталып жаткан кинокартиналар кезегинде улуттук жана эл аралык кино сыйлыктарынын байгелерине татыган.

Иш-чара Кыргызстандын эгемендүүлүгүнүн 30 жылдыгына, СССРдин эл артисти, СССРдин мамлекеттик сыйлыгынын лауреаты, кинорежиссёр Болот Шамшиевдин 80 жылдыгына карата уюштурулуп жатканы маалымдалды.

Анын ачылышында, тагыраагы, биринчи күнү жаш кинорежиссёр Айбек Дайырбековдун "Дарак ыры" мюзикли (2018-жыл) тартууланат. Бул эмгек эл аралык кинофестивалдарда байгеге татып жана улуттук "Ак илбирс" сыйлыгынын сегиз номинациясына ээ болгон.

Кийинки күндөрү минскиликтерге "Сүтак", "Ысык-Көлдүн кызгалдактары" кинокартиналарын көрүү мүмкүнчүлүгү жаралат. Тасмалар Минск калаасындагы "Беларусь" кинотеатрында көрсөтүлөт.

Беларустагы кыргыз кино күндөрү эки өлкөнүн ортосундагы маданий эл аралык кызматташуунун алкагында жана бул жааттагы алака-катышты жакшыртуу максатында өтмөкчү.

Элчилик бул маданий иш-чара аталган өлкөнүн Маданият министрлигинин колдоосу менен уюштурулганын билдирди.

Тема боюнча

"Оскар" сыйлыгына ат салышып жаткан 8 тасма
Белгилүү актриса Жессика Альба ден соолугуна байланыштуу кинодон кеткенин жар салды
Белгилер:
элчилик, маданият күндөрү, кино, "Дарак ыры" тасмасы, Мирлан Абдыкалыковдун "Сүтак" тасмасы, Беларусь, Кыргызстан

ЭҢ МААНИЛҮҮ