14:04 25 Бирдин айы 2020
Түз эфир
  • USD69.8500
  • EUR75.6266
  • RUB1.0863
Маданият
Кыскача шилтеме алуу
67820

Караңгыда көз, капилеттен сөз тапкан кеменгерлердин ой толгоосун, даанышман көрөгөчтүгүн "Кеп казынадан" тартуулап турган чагыбыз. Бул ирет акын Эрнис Турсуновдун учкул кептерин сунуштайбыз. Кулагыңызга күмүш сырга болсун!

Эрнис Турсунов 1935-жылы 24-августта Фрунзе шаарында төрөлгөн. Жогорку билимди Москвадагы Михаил Ломоносов атындагы университеттен жана Кыргыз мамлекеттик окуу жайынан алган.

Окуусун аяктагандан кийин кыргыз театрларынын репертуарлары боюнча башкы редактор, "Кыргызфильм" киностудиясында сценарий бөлүмүнүн жетекчисинин орун басары, Тажикстан жана Кыргызстандын мектептеринде орус, кыргыз тилдеринен мугалим болуп эмгектенген. Мындан тышкары, "Мектеп" басмаканасында, "Ала-Тоо" журналында редактор болуп, Кыргыз телерадиокомитетинде, Кыргыз академиялык драма театрында да жетекчилик кызматтарды аркалаган.

"Ай чырайлуу кыздар", "Чындык ийилет, бирок сынбайт", "Эрки күчтүүлөр", "Замандаш", "Баш мээси менен", "Байтик баатыр" драмаларынын автору. Ал орус жана чет элдик акын-жазуучулардын да бир топ чыгармаларын кыргызчалаган.

Ошондой эле Куран менен Библияны биринчилерден болуп кыргызчага которгон. Эрнис Турсунов 2014-жылы 79 жашында көз жумган.

Эрнис Турсуновдун кеп казынасы:

Тузун таттым, музун таттым турмуштун,

Турмушта көп жыгылганды тургуздум.

Айкөл бабам таш урганга аш урган:
А биз ошол — урпактары кыргыздын!

Ай көрүнөт арасынан жылдыздын,

Ашыгы биз — ай сыяктуу миң кыздын.

Асылкечти ат жалында ала кач,

Аттай учат жигиттери кыргыздын!

Чамда, досум, даңканыңан чаң чыксын,

Чыгаар болсо — ат жалында жан чыксын!

***

Азаматтар кулаганда бийиктен,

Аял керек мээр чөбүн ийиткен.

Босогодон узаган жок — ыраак жол.

Боорукер бол, алганыңа ынак бол!

Оору кыйнап, уйку качкан түндөрдө,

Оор кырсык тооруп турган күндөрдө.

Жан асылкеч, жаралууга берип кол,

Жабырына, сабырына шерик бол!

***

Бууга буулар, сууга суулар кошулуп,

Булут болот, дайра болот созулуп.

Бууракандуу агымдардан алынган,

Бул турмуштун кайрыктарын, досум, ук!

***

"Азыркы балдардын өздөрүнүн башкача проблемалары бар. Азыркы балдарды "люди без крыльев" — "канат-бутагы жок балдар" дейт. Ата-энеси бар, бирок канат-бутагы жок. Чымындын канатын жулуп койсо, уча албай жүрө берет го, булар так эле ушундай. Буларда сүйүү, адамга адамдык мамиле кылуу, Ата Мекенге кызмат кылуу деген барган сайын болбой баратат. Эгоизм кан, жанына кирип алды. Компьютер, интернет келгени ар ким өзү менен өзү. Жигиттер кыздарды баягы союз кезиндеги жигиттердей сүйбөйт. Биологиялык жактан гана керек учурда катышат, болбосо жок.

(Журналист Сымбат Максутова жаздырып алган Эрнис Турсуновдун ойлорунан)

***

Гармония болмоюнча сүйүүдө өксүк кала берет

***

Ден соолук менен тирүүлүктүн өзү — бакыт.

Тема боюнча

Кеп казына. Улуу ойчул Жусуп Баласагындын накыл кептери
Калса экен кыргыз бойдон балдарыбыз! Жыргалбек Касаболотовдун кеп казынасы
Жаштыгымды карызга бербейт экен! Жеңишбек Жумакадырдын кеп казынасы
Белгилер:
чыгармачылык, адабият, кеп казына, акын, Эрнис Турсунов

ЭҢ МААНИЛҮҮ