БИШКЕК, 28-окт. — Sputnik. Чыңгыз Айтматов атындагы мамлекеттик жаштар сыйлыгын ыйгаруу боюнча комиссиянын курамы бекитилди. Тиешелүү чечимге премьер-министр Мухаммедкалый Абылгазиев кол койгонун өкмөттүн маалымат кызматы билдирди.
Ага ылайык, эми комиссия 8-ноябрга чейин талапкерлерге сыйлыктарды ыйгаруу жөнүндө чечимди кабыл алышы зарыл.
Эске салсак, Чыңгыз Айтматов атындагы мамлекеттик жаштар сыйлыгы 2000-жылы негизделген. Сыйлык 11 номинация боюнча эки жылда бир жолу ыйгарылат.
Негизги максаты - жаштарды мекенди сүйүүгө, демократиялык кайра түзүүлөргө багытталган чыгармаларды жаратуу үчүн чыгармачылык топторду тартуу болуп эсептелет.
