05:20 17 Аяк оона 2019
Түз эфир
  • USD69.8099
  • EUR77.2028
  • RUB1.0937
Кыргызстанга Кытайдын борбордук опера театрынын 100дөн ашык кишиден турган чыгармачыл тобу келди

"Манас" операсын коё турчу кытайлык артисттер түндө Бишкекке келди. Сүрөттөр

© Фото / пресс-служба Министерства культуры, информации и туризма КР
Маданият
Кыскача шилтеме алуу
194 0 0

"Манас" операсы Жусуп Мамайдын вариантынын негизинде даярдалган. Сценарийи филология илимдеринин доктору, профессор, кытайлык кыргыз Адыл Жуматурдунун котормосундагы "Манас" эпосу боюнча жазылганы маалым.

БИШКЕК, 11-июн. — Sputnik. Кыргызстанга Кытайдын борбордук опера театрынын 100дөн ашык кишиден турган чыгармачыл тобу келди. Бул тууралуу Маданият, маалымат жана туризм министрлигинин маалымат кызматы билдирди.

  • Встреча артистов из Китая, прилетевших в КР для постановки оперы Манас
    Кыргызстанга Кытайдын борбордук опера театрынын 100дөн ашык кишиден турган чыгармачыл тобу келди
    © Фото / пресс-служба Министерства культуры, информации и туризма КР
  • Встреча артистов из Китая, прилетевших в КР для постановки оперы Манас
    Меймандарды "Манас" аэропортунан боорсок жана сары май менен тосуп алышты
    © Фото / пресс-служба Министерства культуры, информации и туризма КР
  • Встреча артистов из Китая, прилетевших в КР для постановки оперы Манас
    Встреча артистов из Китая, прилетевших в КР для постановки оперы "Манас"
    © Фото / пресс-служба Министерства культуры, информации и туризма КР
1 / 3
© Фото / пресс-служба Министерства культуры, информации и туризма КР
Кыргызстанга Кытайдын борбордук опера театрынын 100дөн ашык кишиден турган чыгармачыл тобу келди

Меймандарды "Манас" аэропортунан боорсок жана сары май менен тосуп алышты.

Чет элдик артисттер 11-12-июнь күндөрү Абдылас Малдыбаев атындагы Кыргыз улуттук академиялык опера жана балет театрында "Манас" операсын коюшат. Буга чейин Кыргызстанга аталган театрдын техникалык тобу келген. Алар декорацияларды орнотуп, башка уюштуруу иштерин жүргүзүп жатат.

Манастын образын жараткан актер Юй Цзинжин анын каарманы операдагы эң маанилүү киши болгондуктан бир аз толкунданып жатканын айтты.

"Манастын образын жаратуу, Кыргызстандын сахнасында аны көрсөтүү мен үчүн чоң жоопкерчилик. Ал үчүн Кыргызстандын тарыхын окуп, толук маалымат алдым. Абдан толкунданып турам, кыргызстандык көрүүчүлөрдүн алдында, Манастын жеринде болуу мен үчүн чоң сыймык", — деди ал.

Эске салсак, "Манас" эпосун операда коюу демилгеси 2015-жылы Кытайдын төрагасы Си Цзиньпиндин катышуусунда өткөн маданият маселелери боюнча жыйында көтөрүлгөн.

Президент Сооронбай Жээнбеков жана Кытайдын лидери Си Цзиньпин. Архивдик сүрөт
© Пресс-служба президента КР / Султан Досалиев
"Манас" операсы Жусуп Мамайдын вариантынын негизинде даярдалган. Сценарийи филология илимдеринин доктору, профессор, кытайлык кыргыз Адыл Жуматурдунун котормосундагы "Манас" эпосу боюнча жазылган.

Операны сахналаштырууга эки жыл даярдык көрүлүп, "Манас" эпосунун эпикалык табиятын таануу максатында Кызыл-Суу Кыргыз автономдук облусуна үч жолу барышкан. Алар кыргыздар жашаган аймактарды кыдырып, жашоо-турмушу менен таанышкан.

Айта кетчү жагдай, "Манас" операсы Кытайда тогуз жолу коюлган. 2017-жылы Пекинде, 2018-жылы Нанкин, Тяньцзин шаарларында көрүүчүлөрдүн жогорку баасына татыган.

2018-жылы Кыргызстандын президенти Сооронбай Жээнбековдун Кытайга болгон расмий сапарынын алкагында да "Манас" операсы көрсөтүлгөн. Ушундан кийин өлкө башчы кытай театрын Кыргызстанга келип кетүүгө чакырган.

Тема боюнча

Кытай артисттери Бишкекте "Манас" операсын тартуулашат
"Манас" операсын коё турчу кытайлык артисттер түндө Бишкекке келди. Сүрөттөр
Белгилер:
театр, опера, Манас эпосу, Кытай

ЭҢ МААНИЛҮҮ