БИШКЕК, 16-апр. — Sputnik. Ирандын Тегеран шаарында өтө турган "Фажр" эл аралык кинофестивалына Кыргызстандан режиссер Айбек Дайырбековдун "Дарак ыры" тасмасы бара турганын Кинематографияны колдоо фондусу билдирди.
Маалыматта иш-чара 18-26-апрель күндөрү өтө турганы айтылды.
"Фестиваль негизги сынак, Eastern Vista — Азия жана ислам мамлекеттеринин тасмалары, ошондой эле "фестивалдардын фестивалы" болуп үч секцияга бөлүнөт. "Дарак ыры" Eastern Vista бөлүгүндө көрсөтүлмөкчү", — деп айтылат маалыматта.
Мындан тышкары, дагы сегиз секция иштей турганы белгилүү болду. Фестивалда калыстардын алты тобу иштейт. Кыргызстандык тасманы башкы каарман Эсендин образын жараткан Өмүрбек Израилов сунуштамакчы.
