05:12 16 Теке 2019
Түз эфир
  • USD69.5670
  • EUR78.4229
  • RUB1.1073
Маданият

Унаа бузулуп суукта талаада калчубуз... Залкарлардын таберик сүрөтү

Кыскача шилтеме алуу
Мирбек Сакенов
624 0 0
Архивные фотографии народного артиста Кыргызской Республики, акына и дастанчи Ашыраалы Айталиева
© Фото / из личного архива семьи Айталиевых

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.

Белгилүү хирург Мамбет Мамакеев менен Касиет Жумаеванын (архивдеги жазуу боюнча) сүрөтү 1950-жылы Фрунзе (азыркы Бишкек) шаарында тартылган
© Фото / предоставлено Кыргызской государственной медицинская академией имени И. К. Ахунбаева
Кыргыз элинин көрүнүктүү маданият өкүлдөрүнүн сүрөтү 1980-жылдардын башында Ысык-Көлдө тартылган.

Анда солдон оңду көздөй куудул Келдибек Ниязов, төкмө акын Замирбек Үсөнбаев, кыл кыякчы Толтой Мураталиев, төкмө акын Ашыраалы Айталиев, Токтогул Сатылгановдун баласы Бабажан Токтогулов, комузчу Мыктыбек Үмөталиев жана манасчы Уркаш Мамбеталиев отурат.

Ошол учурду Кыргыз Республикасынын эл артисти Замирбек Үсөнбаев мындай эскерет:

"Союз учурунда жылына малчыларга эки жолу барчубуз, ал эми гастролдор кыш, жай дебей, жыл бою болчу. Сүрөттөгү инсандар менен ал жылы Тоң районундагы Сырт өрөөнүнө барганбыз. Атайын түзүлгөн топко төкмө акын, комузчу, дастанчы жана куудулдар кирген. Ошол кездерде көп кызыктуу окуялар болуп, канча жолу автоунаабыз бузулуп талаада суукта калдык. Ак-Сай, Арпа жайлоосуна, азыркы Казакстандын аймагына кеткен кыргыз чабандарына чейин концерт коюп барчубуз. Карапайым эл сонун кабыл алып, сагынып калчу эле. Биз идеологиянын бир бутагы катары саналып, графикти Маданият министрлиги түзүп берчү. Кыргызстандын ар бир айылына он жолудан бардык окшойт", — деди Үсөнбаев.

Ал ошондой эле азыр дагы мындай иш-чараларды уюштуруп туруу керектигин, элет жериндегилер фольклорду сагынгандыгын айтат.

Кошумчалай кетсек, сүрөттөгү инсандар маданият тармагында узак жылдар бою эмгектенип, көпчүлүгү "Эл артисти", "Эмгек сиңирген артист" наамдарына татыган.

Тема боюнча

Актерлорго ата болгон Борош чал. "Көчө" тасмасындагы таберик сүрөт
Саякбай манасчы үчүн оор мезгил эле... Залкардын таберик сүрөтү
Көл жээгинде күрөшкөн Токомбаев менен Каралаев. Таберик сүрөттүн тарыхы
Белгилер:
таберик сүрөт, куудул, төкмө акын, манасчы, Кыргызстан

Дагы инфографика

ЭҢ МААНИЛҮҮ