Театр жумалыгы жарыяланып, Таттыбүбү эскерилет

© © Sputnik / Медиабанкка өтүүКадр из фильма "Красное яблоко"
Кадр из фильма Красное яблоко - Sputnik Кыргызстан
Жазылуу
Жыйынтыктоочу иш-чара 30-мартта "Ала-Тоо" аянтында өтөт.

БИШКЕК, 26-мар. — Sputnik. 27-март - театрдын эл аралык күнүн утурлай, 26-марттан 30-мартка чейин "Республикалык театр жумалыгы" өтөт. Тийиштүү буйрукка маданият, маалымат жана туризм министри кол койгонун мекеменин маалымат кызматы билдирди.

Мындай аракеттер Кыргызстандагы театр оюн-зоок мекемелеринин чыгармачылык ишмердүүлүгүн арттыруу, көрүүчүлөр менен тыгыз алака түзүү максатында жасалууда.

Кинорежиссер Болот Шамшиев и актриса Сабира Кумушалиева - Sputnik Кыргызстан
Ызырынган жаштарды Ошко жибербей токтотуп... Сабира Күмүшалиева жөнүндө 7 факты
Буйрукка ылайык, 26-мартта Алыкул Осмонов атындагы Кыргыз улуттук китепканасы, Кыргызстан театр ишмерлер союзу жана Бүбүсара Бейшеналиева атындагы Кыргыз мамлекеттик искусство жана көркөм өнөр университети менен биргеликте "Кыргыз театрынын актуалдуу маселелери" аттуу конференция өтөт.

Ал эми 27-мартта Токтоболот Абдымомунов атындагы Кыргыз улуттук академиялык драма театрында салтанаттуу иш-чара өтөт.

28-мартта таланттуу актриса Таттыбүбү Турсунбаеванын 75 жылдык мааракесине арналган көргөзмө ачылат.

Шаар тургундары менен коноктору 30-мартта жыйынтыктоочу иш-чарага күбө болот. Анда "Ала-Тоо" аянтында "Театр керемети" аттуу оюн-зоок программасы тартууланат.

Жаңылыктар түрмөгү
0