Бишкек шаарындагы "Ала-Тоо" аянтында саат 11:00дөн 13:30га чейин майрамдык концерт болот. Андан сырткары, борбор калаанын төрт районунда да түрдүү иш-чаралар уюштурулган. Кыргызстандын жети дубанында да улустун улуу күнүн салтанат менен тосуп жатышат.
"Ак Кула" ат майданында Нооруз майрамынын урматына уюштурулган көк бөрүнүн финалы жана улуттук ат оюндары өтөт.
Балыкчы шаарында Нооруз расмий түрдө алгач, шаардык мэриянын аянтында башталды.Маданият үйүнүн кызматкерлери мектеп окуучулары менен биргеликте Нооруздун келип чыгышы тууралуу театрлаштырылган сценка коюшту.
"Балыкчы айымдар тобу", "Айым эне" топторундагы чыгармачыл апалар аластоо жөрөлгөсүн жасап, майрамдык салтанатка келген шаар тургундарына сүмөлөк таратышты.
Шаар мэри Алмаз Мамбетов жана шаардык Кеңештин төрагасы Канат Сартбаевдер шаар тургундарын жана жалпы Кыргызстандыктарды куттуктады.
Салтанат оюн-зоок, концерттик программа менен уланды. Бий ансамблдеринин өздөрүнүн номерлерин көрсөтүп, комузчулар ансамблдеринин күүлөрү жаңырды.
Балыкчыдагы Нооруз майрамына карата майрамдык салтанатты өткөрүүгө 400дөй чыгармачыл адамдар катышты.
Кол өнөрчүлөрдүн көргөзмөсү уюштурулуп, жасап келген буюмдарын сатыкка койгондор болду. Гиря, штанга көтөрүү сыяктуу спорттук жана улуттук оюндардын ар кандай түрлөрү боюнча мелдештер өткөрүлдү. Буга кошумча майрам өткөрүлүп жаткан жайда мекемелер арасында
"Улуттук нан" жана "Улуттук суусундук" жарманкеси уюштурулду.
Шаардык ички иштер бөлүмү тарабынан коопсуздукту жана коомдук тартипти сактоо камсыздалып, өрт өчүрүү жана Тез жардам унаалары жакын жерде даярдыкта турду.
Жалал-Абаддагы Нооруз.
Бишкекте Нооруз кандай белгиленди деп жаткандарга арналат.
Нооруз майрамы Нарын шаарында ɵзгɵчɵ майрамдык маанай менен белгиленди.
Аба ырайынын кескин ɵзгɵрүүсүнɵ, ак кардын себелеп жаап турганына карабай шаардын борбордук аянты майрам шаӊына бɵлɵнүп, элдин агымы кɵп болду.
Нооруз майрамына арналган салтанаттуу иш чаранын расмий бɵлүгүн ачкан Нарын шаарынын мэри Эмилбек Алымкулов шаардын элин куттуктап, Улустун улуу күнү жалаӊ жакшылыктарды, жаӊы ийгиликтерди, бак-таалай, ырыскы-дɵɵлɵттү алып келүүсүнɵ тилектештигин билдирди.
Көк бөрү оюнунун финалын түз эфирден көрүңүз.
"Ынтымак" менен "Достук" командалары чемпион аталышы үчүн күч сынашууда.
Курманжан датканын эстелигинин алдында Кыргызстандагы чет элдик мамлекеттердин элчиликтери менен консулдуктары улуттук тамак-аштын жана кийимдин көргөзмөсүн өткөрүштү.
Анын ачылышына Кыргызстандын тышкы иштер министри Чыңгыз Айдарбеков катышты.
Нооруз майрамына карата уюштурулган иш-чара концерт менен коштолду.
Ош шаарынын борбордук аянтында Нооруз майрамынын урматына карата атайын иш-чара өттү. Ага өкмөт башчысы Мухаммедкалый Абылгазиев катышты.
Ошондой эле түрдүү улуттук оюндар уюштурулуп, майрамдык концерт коюлду.
Ысык-Көлдүн АК-Суу районундагы балдар үйүнүн тарбиялануучулары Нооруз майрамына карата сүмөлөк жасашты.
Бишкек шаарынын мэрия шаардыктарды Нооруз майрамы менен куттуктады.
Кытайдын Төрагасы Си Цзиньпин Президент Сооронбай Жээнбековду жана Кыргызстан элин Нооруз майрамы менен куттуктады.
“Кытай Өкмөтүнүн, элинин жана жеке өзүмдүн атыман Сизди жана жалпы Кыргызстан элин салттуу Нооруз майрамы менен чын жүрөктөн куттуктайм! Өткөн жылдын июнь айында Сиз Кытайга алгачкы мамлекеттик визит жасадыңыз. Анын жүрүшүндө биз жыйынтыктуу жолугушууларды өткөрүп, кытай-кыргыз мамилелеринин ар тараптуу стратегиялык өнөктөштүгүн орнотуу тууралуу бир пикирден чечим кабыл алдык. Бул эки өлкөнүн ортосунда достук кызматташуунун жаңы барагын ачты. Кыргызстан менен мамилелерди өнүктүрүүгө зор маани берүү менен, мен сиз менен бирге өлкөлөрүбүздүн жана элдерибиздин жыргалчылыгы үчүн ар тараптуу стратегиялык өнөктөштүктүн кытай-кыргыз мамилелерин жаңы бийиктикке алып чыгууга даярмын", - деп айтылат маалыматта.
Буга чейин Кыргызстандын элин жана президентин Өзбекстандын президенти Шавкат Мирзиёев, Түркмөнстандын президенти Гурбангулы Бердымухамедов жана Тажикстандын президенти Эмомали Рахмон куттуктаган.
Нооруз майрамында баарынын көңүлү жайдары.
Көк бөрү боюнча мелдеште биринчи лиганын финалдык оюнунда Бишкектин "Келечек" командасы менен Талас облусунун "Алкан-Ата" командасы беттешип, оюн 1:5 эсебинде Таластын командасынын пайдасына аяктады.
Өлкө башчысы Сооронбай Жээнбеков кыргызстандыктарды Нооруз майрамы менен куттуктады.
Бишкектеги "Ак кула" ат майданында Нооруз майрамына карата улуттук ат оюндары өтүп жатат. Учурда ал жакта эмне болуп жатканын түз эфирден көрүңүздөр.
Ош шаарында облус жетекчиси баштаган аткаминерлер сүмөлөк жасоого катышты.
Каракол шаарында Нооруз майрамы өзгөчө шаң менен коштолду.
Көк бөрү боюнча мелдештин финалдык бөлүгү өтүп жатат.
Бишкектеги "Ак кула" ат майданында жигиттер эр эңиш боюнча күч сынашты.
Бишкек милициясы жарандардын коопсуздугун сактоо үчүн бардык аракетин көрүп жатат.
Жааган карга карабай элдин маанайы көтөрүңкү экенин жергиликтүүлөр кабарашты.
Майрам күнү Кыргызстан боюнча кандай аба ырайы күтүлөт.
Урматтуу мекендештер сиздерди улустун улуу Нооруз майрамы менен куттуктайбыз.
