00:53 22 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Маданият

Дүйнө кезген кыргыздын темир комузчулары... Таберик сүрөт

Кыскача шилтеме алуу
"Таберик сүрөт" — сейрек кездешкен ирмемдер (81)
194 0 0
Дүйнө кезген кыргыздын темир комузчулары... Таберик сүрөт
© Sputnik / Мамадалиев

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.

Солдо турган Кыргыз ССРинин эл артисти Нуржамал Таабалдиева, ортодо СССРдин эл артисти Самара Токтакунова жана оң жагындагы Кыргыз Республикасынын эмгек сиңирген артисти Айша Базарбаеванын сүрөтү 1981-жылы Фрунзе (азыркы Бишкек) шаарында тартылган.

Ал кезде чыгармачыл инсандардын бардыгы тең Токтогул Сатылганов атындагы Кыргыз улуттук филармониясында эмгектенип келген.

Ошол учурду Айша Базарбаева мындайча эскерет.

"Үчөөбүз сахнага темир комуз чертип чыккан топ болчубуз. Сүрөт Швейцарияда маданият күндөрүн өткөрүү үчүн филармонияда репетиция кылып жатканда тартылып алынган. Ал өлкөгө биз темир комуз ансамбли болуп барганбыз. Биз менен кошо Опера жана балет театрынан Болот Миңжылкыев, Кайыргүл Сартбаева да барган. Негизи эле анда чет мамлекеттерге концерт коюп көп барчубуз. Советтер Союзундагы республикалардан сырткары, Европа, Азия, Африканын бир топ өлкөлөрүнө чейин бардык. Анан чет элдиктерге өз өнөрүн тартуулоо үчүн бара турчулар тандалып алынчу. Көбүнчө бир нече музыкалык аспаптарда ойногондор, солисттер кетчүбүз. Ошол маалда сахнага чыгуу үчүн да тандалып, медициналык кароодон өтүп, адамдын жүрүм-турумуна чейин текшерилчү", — деди Базарбаева.

Учурда Нуржамал Таабалдиева "Эл ырчысы Эстебес" тобунун солисти болуп иштесе, Самара Токтакунова Калый Молдобасанов атындагы Кыргыз улуттук консерваториясында жаштарды тарбиялап келет. Ал эми Айша Базарбаева Карамолдо Орозов атындагы академиялык эл аспаптар оркестринде эмгектенүүдө.

Тема:
"Таберик сүрөт" — сейрек кездешкен ирмемдер (81)

Тема боюнча

Бакка чыгып тарткан. Дооронбек Садырбаев менен Кайыргүл Сартбаеванын таберик сүрөтү
Миңжылкиев менен Чокморовдун мамилеси жок эле... Залкарлардын таберик сүрөтү
Шахматта күч сынашкан Айтматов менен Токомбаев. Таберик сүрөт
Белгилер:
Сүрөт, Самара Токтакунова, Кыргызстан

Дагы инфографика

ЭҢ МААНИЛҮҮ