БИШКЕК, 10-янв. — Sputnik. Бангладештин Дакка шаарында өтө турган 17-эл аралык кинофестивалга Кыргызстанда тартылган беш тасма катышат. Бул тууралуу Кинематографты колдоо фондусунан билдиришти.
Rainbow ("Асан-Үсөн") уюму уюштурган бул иш-чара 10-18-январь күндөрү өтмөкчү. Анда каралчу төрт номинация боюнча Кыргызстандан төмөндөгү фильмдер барат:
— "Азиялык тасмалар" номинациясына — Айбек Дайырбековдун "Дарак ыры" тасмасы;
— "Кыз-келиндер режиссерлук кылган тасмалар" секциясына — Елизавета Стишованын "Сулайман тоо" жана Чолпонай Бөрүбаеванын "Өмүр" тасмалары;
— "Руханий азык" номинациясына — Айзада Алымбек кызынын "Өзөк" тасмасы;
— "Кыска метраждуу тасмалар" секциясына — Асел Чоткараеванын "Периште" эмгеги.
Аталган фестивалда 72 мамлекеттен 220 фильм көрсөтүлмөкчү.
