БИШКЕК, 7-ноя. — Sputnik. Бишкекте Кыргызстан жаштарынын күнүнө карата 12-13-ноябрда республикалык конгресс өтөт. Бул тууралуу Жаштар иши, дене тарбия жана спорт агенттиги билдирди.
Иш-чара "Ала-Арча" мамлекеттик резиденциясында жана Каба уулу Комомкул атындагы спорт сарайда өтүп, ага жаш лидерлер катышат.
Конгресстин алкагында жаштардын мыкты долбоорлору менен демилгелери көпчүлүккө сунушталып, 2020-2030-жылдарга карата жаштар саясатынын концепциясы талкууланат. Андан сырткары, Кыргызстан жаштарынын өнүгүүсүнүн индекси көрсөтүлөт.
Мындай иш-чаранын максаты мамлекеттеги жаштар саясатын калыптандырууга жана ишке ашырууга жаштарды тартуу болуп саналат.
Кыргызстан жаштарынын күнү 10-ноябрда белгиленет.